Авлигын эсрэг үндэсний чуулганд М.Энхболдын хэлсэн үг

2017 оны 1-р сарын 11. 16:17

АВЛИГЫН ЭСРЭГ ҮНДЭСНИЙ ЧУУЛГАНД

УЛСЫН ИХ ХУРЛЫН ДАРГА МИЕЭГОМБЫН ЭНХБОЛДЫН ХЭЛСЭН ҮГ

Эрхэмсэг хатагтай, ноёд оо,

Зочид төлөөлөгчид өө,

Та бүхнийхээ энэ өдрийн амар амгаланг айлтган мэндчилж, Авлигын эсрэг үндэсний чуулганы ажиллагаанд амжилт хүсье.

Сайн засаглалыг бэхжүүлэх, шударга ёсыг дархлаажуулах, хүний эрх, эрх чөлөөг эрхэмлэх, иргэнээ дээдэлсэн нийгмийг цогцлоох зэрэг дэлхий нийтийн хүсэл зорилгод хамгийн их гай барцад учруулагч нь авлига билээ. Улс орны аюулгүй байдалд заналхийлж, ардчилсан тогтолцоо, үнэт зүйлсийг доройтуулан, хөгжлийг сааруулж, төрд итгэх иргэдийн итгэлийг алдагдуулагч хорт үзэгдэл бол авлига.

Авлигын барьцааг ард түмэн төлдөг. Авлигын төлөөсөнд улс үндэстэн гэрэлт ирээдүйгээ, хөгжил дэвшлээ, соёл түүхээ зэрэмдэглүүлдэг. Тиймээс авлигатай тэмцэх тэмцэл нь ардчилал, хууль дээдлэх ёс, шударга ёсыг өмөөрөн, улс орон, ард иргэдийнхээ ирээдүйн төлөө дайтаж буй хэрэг юм. Энэ тэмцэлд ялагдаж болохгүй.

“Транспарэнси интернэшнл”байгууллагын гаргадаг Авлигын индексийн 2015 оны судалгаагаар манай улс судалгаанд хамрагдсан 168 орноос 72 дугаар байрт орсон бөгөөд ийнхүү байр ахиж байгаа нь үр дүн мөн гэж ойлгож болно.

Гэхдээ Монгол Улсад авлигын ерөнхий түвшин өндөр байсаар байна. Энэ нь төр засгийн үйл ажиллагаа, зохион байгуулалт, эрх зүйн орчин, улс төрийн намуудын төлөвшил зэрэг олон хүчин зүйлээс хамаарч байгаа. Зөвшөөрөл лиценз, тендерийн нууц гэрээ, оффшорын асуудал, улс төрийн нөлөөлөл, эрх мэдэл, давуу байдал олголт, төрийн албаны хууль бус томилгоо, ашиг сонирхлын зөрчил зэргээс ард түмэн залхаж байна.

Тиймээс бид авлигатай хийх тэмцлийг бүх шатанд идэвхтэй өрнүүлж, төрийг авлигаас бүрэн ангид байлгах, бизнесийн болон өрсөлдөөний шударга орчин бүрдүүлэх, авлигачдад хуулийн дарангуйлал тогтоох, улмаар олон нийтийн төрд итгэх итгэлийг сэргээхийн төлөө чин сэтгэлээрээ хүчин зүтгэх ёстой.

УИХ 2005 оны 10-р сард Авлигын эсрэг НҮБ-ын конвенцийг, 2006 оны 07-р сард Авлигын эсрэг хуулийг шинэчлэн баталж, Авлигатай тэмцэх газрыг байгуулсан нь авлигын эсрэг эрх зүйн орчин бүрдүүлэх, авлигын эсрэг тууштай тэмцэх улс төрийн хүсэл зоригийн илэрхийлэл болсон билээ.

Өнгөрсөн хугацаанд Авлигатай тэмцэх газарт ажиллаж байсан болон одоо ажиллаж байгаа нийт бие бүрэлдэхүүнд 10 жилийн ойн мэндийг дэвшүүлж, та бүхэнд ажлын амжилт, сайн сайхныг хүсэн ерөөе.

Шинээр байгуулагдсан Улсын Их Хурал 2016 оны 10-р сард ирэх 6 жилд улсын хэмжээнд авлигатай тэмцэх томоохон зорилтуудыг багтаасан Авлигатай тэмцэх үндэсний хөтөлбөрийг батлан гаргасныг та бүхэн мэдэж байгаа. Мөн албан тушаалтны хөрөнгө, орлого, хувийн ашиг сонирхлын мэдүүлэг, нийтийн албанд орохоор нэр дэвшиж буй этгээдийн хувийн ашиг сонирхлын урьдчилсан мэдүүлгийг цахим системд бүрэн шилжүүлэх тогтолцоо бүрдүүлэх зорилгоор Баталгааны хуудасны загварыг тогтоож өгсөн.

Энэ дашрамд Авлигатай тэмцэх үндэсний хөтөлбөрийг хэрэгжүүлэх ажил зөвхөн УИХ, эсвэл АТГ-ын ажил биш, энэ бол бүх нийтийн идэвхтэй оролцоо, дэмжлэг, хүчин чармайлтаар үр дүнд хүрнэ гэдгийг зориуд тэмдэглэж хэлье.

Монгол Улсын Засгийн газар 2016-2020 оны үйл ажиллагааны хөтөлбөртөө “Авлига, албан тушаалын гэмт хэрэгт оногдуулах ял шийтгэлийг чангатгахын зэрэгцээ авлигын хэргээр ял шийтгэгдсэн этгээдийг дахин төрийн албанд томилохгүй байх эрх зүйн орчин бүрдүүлнэ” хэмээн тусгасан. Өөрөөр хэлбэл, авлигын хэргээр шийтгэгдсэн хүнд монгол төр дахин итгэл үзүүлэхгүй гэсэн үг.

Шүүх эрх мэдлийн байгууллагыг улс төрөөс хараат бус ажиллуулах, шүүгч, прокурорыг сонгон шалгаруулах, томилох үйл явцыг шударга, ил тод болгох, картель, шударга бус өрсөлдөөнийг хязгаарлах, хэвлэлийн эрх чөлөөг хамгаалах зэрэг зайлшгүй шаардлагатай эрх зүйн орчин бүрдүүлэх талаар УИХ цаашид анхаарч ажиллах болно.

Монгол Улсын Их Хурлын даргын хувьд миний бие авлигатай тэмцэх бодлого, хууль эрх зүйн орчныг бэхжүүлэх чиглэлээр онцгойлон анхаарал хандуулж байгаа бөгөөд цаашид ч энэ чиглэлээр дэмжлэг үзүүлэх болно.

Авлигатай бүх нийтээр тэмцэх, авлигын эсрэг тэмцлийг үр дүнд хүргэх чиглэлээр та бүхний анхаарлыг дараах хэдэн асуудалд хандуулъя гэж бодож байна.

1. Төрийн байгууллагын төсөв, санхүү, аудитын үйл ажиллагааны удирдлага, хяналтыг сайжруулах, ил тод байдлыг хангах, төсвийн хөрөнгө, гадаадын зээл, тусламжийг үр ашигтай, зориулалтын дагуу зарцуулах, хариуцлагыг дээшлүүлэх, төрийн өмч хөрөнгийг завшсан, үргүй зарцуулсан хүмүүст зохих шийтгэлийг хуулийн дагуу ногдуулах талаар дорвитой арга хэмжээ авч хэрэгжүүлэхийг олон нийт хүлээж байгааг Монгол Улсын Засгийн газар, холбогдох байгууллагуудад сонордуулъя.

2. Сайн хууль, сайн тогтолцоо бүрдсэн ч үйл ажиллагаа үр дүнтэй байх, эсэхийг шийдэх хүчин зүйл бол авлигатай тэмцэх чиглэлээр ажиллаж буй албан хаагчдын чадавхийн түвшин юм. Авлигачдын ард хууль, эдийн засаг, санхүүгийн мэргэшсэн бүхэл бүтэн баг ажиллаж байхад үүний эсрэг нэг мөрдөн байцаагч, эсхүл ганц прокурор ажиллаж байгаа хүчний тэнцвэргүй байдлыг өөрчлөх хэрэгтэй байна.

3. Авлига, албан тушаалын хэргийг илрүүлэн шалгах, хяналт тавих, хянан шийдвэрлэх үүрэг хүлээсэн шүүх, прокурор, авлигатай тэмцэх байгууллагын хамтын ажиллагааг өргөжүүлэх, нягтруулах зайлшгүй шаардлагатай байгааг зориуд онцолъё. Хариуцлагыг бие бие рүүгээ түлхэх, эсвэл “дошин дээрээ эзэн” дүр үзүүлэх, байгууллагын явцуу эрх ашгийг урьтал болгох сэтгэлгээнээс ангижрах цаг болсон.

4. Авлигын хэргийгхянан шийдвэрлэж буй хуулийн байгууллагын ажилтнууд мэргэжлийн хувьд чадварлаг, шилэн сонгогдсон, хувь хүнийхээ хувьд өндөр ёс суртахуунтай байх ёстой. Мөрдөн байцаагч, прокурор, шүүгчдийн мэргэшлийн ур чадварыг дээшлүүлэх, үүний тулд тусгай хөтөлбөрийн дагуу системчилсэн сургалтад тогтмол хамруулж, авлигын хэргийг мөрдөхтэй холбоотой арга техник эзэмшүүлэх нь чухал.

5. Төрийн үйл ажиллагаа, үйлчилгээ хуулийн дагуу явж байгаа эсэхийг иргэд, олон нийтийн хяналтад өгөх зүйтэй. Ийм зохицуулалтыг Авлигатай тэмцэх хөтөлбөрт тусгасан. Хугацаа алдаж хойшлуулалгүй хэрэгжүүлж эхлэх нь чухал байна.

6. Авлигатай тэмцэх, авлигын гэмт хэргүүдийг илрүүлэх, олны анхаарлын төвд авчрахад хэвлэл мэдээлэл, тэр дундаа эрэн сурвалжлах сэтгүүл зүйн үүрэг оролцоо нэн чухал гэдгийг ойлгож, тэдэнтэй хамтран ажиллах арга барилдаа эрс өөрчлөлт гаргах цаг болжээ. Тэдний хүчийг зөв ашиглаж, оновчтой дэмжиж, нэгэн тэрэгний хоёр арал болж зүтгээд үр дүнд хүрсэн жишээ дэлхий нийтэд олон байна.

7. Иргэний нийгэм, хувийн хэвшлийнхний оролцоо, санаачилга бас дутуугүй чухал. Товчоор хэлбэл бид бүх хүрээнд хамтрах, хүчээ нэгтгэх хэрэгтэй байна. Энэ тэмцэлд олон улсын байгууллагын дэмжлэгийг авах, дэлхийн улс орнуудтай тогтоосон хамтын ажиллагаагаа улам бүр өргөжүүлэн тэлэх зайлшгүй шаардлага бий.

8. Ядуурлыг бууруулж, эх орноо хөгжүүлж, эдийн засгаа өөд татаж, эрүүл, аюулгүй орчинд амьдрах, чанартай боловсрол, хүртээмжтэй эрүүл мэндийн үйлчилгээ авахыг та бид бүгдээрээ хүсдэг. Энэ хүсэлд маань авлига саад болж байна. Үндсэн хуулиар олгогдсон төрийн үйлчилгээ хүртэх эрхээ эдлэхийн тулд түшмэдэд мөнгө төлөх ёсгүй. Ийм хандлагыг иргэддээ бий болгоё. Төрийн албан хаагчдын хууль бус үйлдэл, хүнд суртал, авлига, ашиг сонирхлын зөрчлийг шууд мэдээлж, хууль бус үйлчилгээнээс татгалзаж чаддаг тийм үзлийг нийт иргэддээ төлөвшүүлье.

Нэг үгээр хэлбэл авлигын эсрэг бүх нийтийг соён гэгээрүүлэх үйл ажиллагааг урьд урьдаас илүү эрчимжүүлэх нь зүйтэй байна.

Миний дурдсан эдгээр ажил арга хэмжээ, санал бодлыг чуулганд оролцогч Та бүхэн мэргэн оюундаа шүүн тунгааж, зөв оновчтой шийдэл, сэдэл санаачилга гаргана гэдэгт итгэж байна.

Алагчлалгүй хуультай, авлигагүй нийгэмтэй, ёс жудагтай төртэй Монгол Улсын төлөө иргэн бүр хичээхийг, хүчээ нэгтгэхийг уриалъя.

Анхаарал хандуулсанд баярлалаа.



Нэг л LIKE бидэнд хангалттай


LIKE дараарай, баярлалаа

Сэтгэгдэл бичих

Анхааруулга

Уншигч танд дээрх мэдээ, нийтлэлтэй холбоотой соёлч боловсон, зүй зохистой хэлэлцүүлэг үүсгэх, хувийн үзэл бодлоо илэрхийлэх боломжийг олгож байна.
Та сэтгэгдэл бичихдээ дараах хэдэн зүйлийг анхаарна уу!
  • Аливаа зүйлд санал, үзэл бодлоо илэрхийлэх эрх нь ардчилсан чөлөөт нийгмийн зарчим хэдий ч өөрийн эрх нь бусдын эрх ашгаар хязгаарлагдаж байдаг тул Та бусдад хүндэтгэлтэй хандаж, зөвхөн тухайн мэдээ, нийтлэлтэй холбоотой саналаа илэрхийлнэ үү.
Дэлгэрэнгүй...

Уншигчдын сэтгэгдлүүд   [ 6 ]

2017 оны 1-р сарын 12. 13:44Зочин - [43.228.131.***]

Амьд явахад элдвийн л юм үздэг ийм юм үзнэ гэж ер бодох байтугай төсөөлж ч байсангүй.Энхболд авилгатай тэмцэх чуулганыг нээж үг хэлж илтгэл тавиад байхдаа яахав дээ ард түмнийг хэтэрхий доромжилж байна энэ хятад хүн.Энэ болмонгол төр дампуурсныг тод харуулсан эмгэнэлт бөгөөд инээдмийн жүжиг байна.Зохиолоо өөрөө бичнэ,өөрөө найруулна,өөрөө тоглоно яасан зэвүүн ***** вэ.

2017 оны 1-р сарын 12. 12:24Зочин - [43.242.242.***]

XA XA UNEN ZOXIXGUI BNA A.AVILGACHIN AVILGIIN ESREG TEMTSEX UU.ULAM TSETSGELUULNE.

2017 оны 1-р сарын 12. 10:11Зочин - [202.131.225.***]

Яг үнэндээ чоныг чоноор нь агнуулна гэж байх уу

2017 оны 1-р сарын 11. 22:48Зочин - [172.97.157.***]

Uuriinhuu esreg ium yariad ih jujiglej bn aa. Tsaichihsan avilgach.

2017 оны 1-р сарын 11. 19:15Зочин - [103.229.121.***]

яг ингэж хэлсэн үү? зүгээр бичсэн юм уншсан уу

2017 оны 1-р сарын 11. 18:29Зочин - [27.123.214.***]

Sonin yum ih uzeh nee

Шинэ мэдээИх уншсанИх сэтгэгдэлтэй

Д.Цогтбаатар: Бодит харилцаагүй байсан Элчин сайдын яамыг хаасан12 цаг 3 минутын өмнө

Н.Энхболд: Цэргийн албыг 2 жил болгож болно12 цаг 18 минутын өмнө

С.Батболд: Иргэд газраа барьцаалан орон сууцны урьдчилгааг төлөх боломжтой12 цаг 22 минутын өмнө

Хүнсний аюулгүй байдлын асуудлыг хэлэлцлээ12 цаг 26 минутын өмнө

16 иргэн орон сууцныхаа түлхүүрийг гардан авлаа12 цаг 28 минутын өмнө

Н.Цэрэнбатыг БОАЖ-ын сайдаар томилов12 цаг 30 минутын өмнө

Цэрэг татлагын товчооны хурал болов13 цаг 10 минутын өмнө

“Үндсэн хуулийн нэмэлт өөрчлөлтийн асуудал: Монгол Улсын жишээ” хурал болж байна13 цаг 12 минутын өмнө

Орон байрны хулгайч этгээдийг илрүүлэв13 цаг 18 минутын өмнө

Н.Учрал: Нүхэн жорлон барих газаргүй хороод их байна13 цаг 25 минутын өмнө

О.Баасанхүү: Ерөнхий сайд засагтаа "Бяртай засаг" гэдэг нэр өгөөрэй13 цаг 55 минутын өмнө

Дархлаажуулалтад суурь өвчтэй иргэдийг хамруулна14 цаг 3 минутын өмнө

Гар угаах дадал нь халдвараас сэргийлдэг14 цаг 18 минутын өмнө

“Их хотын хямдрал-378” нээлтээ хийлээ14 цаг 21 минутын өмнө

Сурагчдад эрүүл мэндийн сургалт явуулав14 цаг 27 минутын өмнө

КОИКА-ийн төлөөлөгчдийг хүлээн авч уулзав14 цаг 33 минутын өмнө

Хөдөлмөрийн арбитраар М.Чимэддоржийг томилуулахыг хүсэв14 цаг 36 минутын өмнө

“3x3” сагсан бөмбөгийн ААШТ Улаанбаатарт болно14 цаг 50 минутын өмнө

Ц.Баярцогтыг Улсын хилээр гарахыг хориглов14 цаг 53 минутын өмнө

Сүрьеэ өвчнөөр 77 хүн нас баржээ15 цаг 24 минутын өмнө

“АПУ” ХК-д шалгалт хийж байна15 цаг 26 минутын өмнө

Д.Эрдэнэбат: Хаана байна тэр шударга шалгуур чинь15 цаг 29 минутын өмнө

92 дугаар цэцэрлэгээс бүүрэг илэрчээ15 цаг 40 минутын өмнө

Манай улсын циркчид алтан цом хүртжээ15 цаг 43 минутын өмнө

ЗГХЭГ-ын даргаар Г.Занданшатарыг томиллоо15 цаг 54 минутын өмнө

"Багшийг дээдлээгүйгээс боловсролын чанар уналтад орсон" гэв15 цаг 57 минутын өмнө

О.Баасанхүү: "Давхар иргэншилтэй сайдын нэрийг ҮАБЗ-д хэлчихсэн"17 цаг 21 минутын өмнө

Замын цагдааг мөргөсөн хэргийг шалгаж байна17 цаг 31 минутын өмнө

Хүүхдээс мөнгө авдаг гурван сайдын тушаалыг цуцална17 цаг 32 минутын өмнө

"60 тэрбумыг хууль хяналтынхан эвлүүлэг гээд дүгнэчихсэн"17 цаг 37 минутын өмнө

Ц.Баярцогтыг шүүх хурал түр завсарлав17 цаг 45 минутын өмнө

Манай гарагийн хамгийн нөлөө бүхий 15 залуу17 цаг 50 минутын өмнө

“Нийслэлийн иргэний зөв 10 дадал” сургалт боллоо18 цаг 16 минутын өмнө

Агаарын бохирдлыг бууруулах Үндэсний чуулган болно18 цаг 19 минутын өмнө

Мисс А.Баярцэцэг Холливудад дахин уригдсан уу?18 цаг 28 минутын өмнө

ОУПХ-ны Ассамблейн 137 дугаар чуулганд үг хэллээ18 цаг 32 минутын өмнө

Ө.Энхтүвшин: Албан тушаалаа давхарлах бус хариуцлагаа давхарлах нь зүйтэй18 цаг 48 минутын өмнө

Ерөнхийлөгч УИХ-аас хуулийн төслүүдийг татлаа19 цаг 1 минутын өмнө

"Засгийн газрын гишүүдийг боловсрол, туршлагыг үндэслэн сонгосон"19 цаг 9 минутын өмнө

Монголд цаазын ял хэрэгтэй ба хэрэггүй19 цаг 22 минутын өмнө

ДОХ-ын вирүс хоол хүнсээр дамжин халдварлах боломжгүй19 цаг 32 минутын өмнө

Цагдаагийн байгууллагаас уриалга гаргалаа19 цаг 37 минутын өмнө

Урт наслах чадварыг эрдэмтэд тайлбарлажээ19 цаг 52 минутын өмнө

Украинчуудын дэлгүүр хоршооноос хулгай хийх нь "дэнджээ"20 цаг 4 минутын өмнө

ОБГ-ын даргаар дэд хурандаа Ш.Баасандоржийг томиллоо20 цаг 8 минутын өмнө

БНАСАУ: Цөмийн дайн хэзээ ч эхлэж мэднэ20 цаг 12 минутын өмнө

Гуравдугаар баазын урлаг, спортын шилдгүүд тодров20 цаг 23 минутын өмнө

УИХ-ын нэгдсэн хуралдаан болно20 цаг 27 минутын өмнө

Ханын материал хавиар цахилгаан хязгаарлана20 цаг 33 минутын өмнө

ҮЙЛ ЯВДАЛ: "Их хотын хямдрал" үйл ажиллагаа болно20 цаг 35 минутын өмнө

Шүүх эмнэлгийнхэнд зүрх сэтгэл "хайрлаач"20 цаг 38 минутын өмнө

Цагдаа руу танхайрсан Ц.Баярцогтыг шүүнэ21 цаг 20 минутын өмнө

Улаанбаатарт 9 хэм дулаан21 цаг 28 минутын өмнө

Өнөөдөр бар өдөр21 цаг 29 минутын өмнө

Богд Хааны Ордон Музей иргэдэд үнэ төлбөргүй үйлчилнэ2017 оны 10-р сарын 17. 18:46

Н.Энхболд нарын гурван сайдыг дэмжлээ2017 оны 10-р сарын 17. 18:42

Ц.Нямдорж: С.Зоригийн хэргийн нууц материалуудыг ил болгоно2017 оны 10-р сарын 17. 18:28

Халаасны хулгайч эмэгтэйчүүдийг шалгаж байна2017 оны 10-р сарын 17. 18:21

13 мянган өрх шөнийн цахилгааны хөнгөлөлтөд хамрагдана2017 оны 10-р сарын 17. 18:20

“Оргил рашаан сувилал”-ыг 15.02 тэрбумаар хувьчиллаа2017 оны 10-р сарын 17. 18:12

Н.Жамъянхүү: 14340 амьтны амийг аварлаа2017 оны 10-р сарын 17. 18:08

Х.Баттулга: Улаанбаатар хот багтахаа больсон айл шиг л бна2017 оны 10-р сарын 17. 17:27

Ноён уулын шүүх хурал хойшилжээ2017 оны 10-р сарын 17. 17:11

87,6 хувийн саналаар Х.Баделханыг дэмжив2017 оны 10-р сарын 17. 17:09

Шаардлагатай техник хэрэгслийг хүлээлгэн өгнө2017 оны 10-р сарын 17. 17:06

Шүүх эмнэлэг охиноос 10 мянган төгрөг нэхээгүй гэв2017 оны 10-р сарын 17. 17:02

Томуугийн вакциныг энэ сарын 23-нд хүлээн авна2017 оны 10-р сарын 17. 16:57

Д.Сарангэрэл, С.Чинзориг, Ц.Цогзолмаа нарыг дэмжив2017 оны 10-р сарын 17. 16:54

"Мэргэжлээ буруу сонгосноос ажилгүйчүүдийн тоонд ордог" гэв2017 оны 10-р сарын 17. 16:48

Ч.Хүрэлбатаар: Монголыг хямралд хүргэсэн бүхэнтэй тэмцэнэ2017 оны 10-р сарын 17. 16:42

Шүүхийн шинжилгээний үндэсний хүрээлэнг шалгана2017 оны 10-р сарын 17. 16:37

Хамтарсан комиссын хуралдаанд оролцлоо2017 оны 10-р сарын 17. 16:26

"Морин хуур" чуулгын 25 жилийн ойн тоглолт болно2017 оны 10-р сарын 17. 16:25

“Хүнсний аюулгүй байдал” эрдэм шинжилгээний бага хурал боллоо2017 оны 10-р сарын 17. 16:11

Сансрын гүүрэн гарцыг нээлээ2017 оны 10-р сарын 17. 15:55

Х.Баттулга: 13 настай охины амийг хөнөөсөн хүн наранд явж байна2017 оны 10-р сарын 17. 15:44

СХД-ийн 67 дугаар сургууль "ухаалаг анги"-тай боллоо2017 оны 10-р сарын 17. 15:33

Дэлхийн хамгийн “халуухан” сувилагч2017 оны 10-р сарын 17. 14:22

УИХ-ын чуулганаар сайдуудын асуудлыг хэлэлцэнэ2017 оны 10-р сарын 17. 14:04

Сэтгүүлчийн амь насыг бүрэлгэсэнд шаналж байна2017 оны 10-р сарын 17. 13:58

Ашиглагдсан усыг нөхөн сэргээж, ирээдүйдээ нөөцөлнө2017 оны 10-р сарын 17. 13:38

Ерөнхийлөгчийн ордноос БНАСАУ-ын ухуулах хуудас олджээ2017 оны 10-р сарын 17. 13:34

АН-ын бүлэг Засгийн газрын бүрэлдэхүүнийг дэмжихгүй гэв2017 оны 10-р сарын 17. 13:30

Путин Умард Солонгосын эсрэг хориг арга хэмжээ авлаа2017 оны 10-р сарын 17. 13:25

У.Хүрэлсүх сайд нарынхаа нэрсийг өргөн барив2017 оны 10-р сарын 17. 13:21

Д.Эрдэнэбат: Энэ УИХ-ыг тараасай гэж бодож байна2017 оны 10-р сарын 17. 12:59

Ерөнхийлөгч Ч.Хүрэлбаатарыг томилох саналыг дэмжсэнгүй2017 оны 10-р сарын 17. 12:55

Монголоос 2000 жилийн настай мумми илрүүлжээ2017 оны 10-р сарын 17. 12:45

Үндсэн хуулийн цэц хуралдана2017 оны 10-р сарын 17. 12:24

313 хүний мэдүүлгийг хянан шийдвэрлэжээ2017 оны 10-р сарын 17. 12:17

Токиогийн Олимпийн бамбарын галыг унтрааснаа зарлажээ2017 оны 10-р сарын 17. 12:10

“Люмино"-ийн МС мөнгөн медаль хүртжээ2017 оны 10-р сарын 17. 11:59

Д.Сумъяа Абу Дабигийн Гранпри тэмцээнд оролцоно2017 оны 10-р сарын 17. 11:55

ЦЕГ-аас зарим хэргийн талаар тодруулга гаргалаа2017 оны 10-р сарын 17. 11:43

“Монгол Алт” аян Дорноговь аймагт үргэлжилж байна2017 оны 10-р сарын 17. 11:31

НӨАТ-ын азтан ням гарагт тодорно2017 оны 10-р сарын 17. 11:29

Д.Сарангэрэл: Арьс ширний үйлдвэрүүдийг нүүлгэх асуудлаар Засгийн газарт чиглэл өгнө2017 оны 10-р сарын 17. 11:23

Иргэд хуулийн талаарх хүссэн мэдээллээ авлаа2017 оны 10-р сарын 17. 11:10

ХЗХ-д бүтээгдэхүүн, үйлчилгээгээ дэлгэлээ2017 оны 10-р сарын 17. 10:42

Хөдөлгөөн зохицуулж байсан цагдааг мөргөжээ2017 оны 10-р сарын 17. 10:37

Батаарын андууд

Хэн юу жиргэв

Санал болгох