985 иргэний газар өмчлөлийн захирамжийг гаргажээ

2017 оны 11-р сарын 13. 15:36

Нийслэлийн Газрын албанаас иргэдэд эзэмшил газраа өмчлөхөд нь дэмжлэг үзүүлэх 3 сарын аяныг хэрэгжүүлж байгаа. Энэхүү аяны явц болон иргэд аянд хамрагдахад юу анхаарах, ямар бичиг баримт бүрдүүлэх зэрэг асуудлаар нийслэлийн Газрын албаны Газар өмчлөлийн хэлтсийн дарга У.Сувдсүрэнтэй ярилцлаа.

-Нийслэлийн газрын албанаас иргэдэд эзэмшил газраа өмчлөхөд нь дэмжлэг үзүүлэх 3 сарын аяныг эхлүүлээд 2 сарын хугацаа өнгөрч байна. Энэ хугацаанд аянд хэчнээн иргэн хамрагдав, аяны явц ямар байгаа талаар мэдээлэл өгнө үү?

-“Нийслэлийн иргэдэд эзэмшиж буй газраа өмчлөхөд дэмжлэг үзүүлэх 3 сарын аян” ес дүгээр сарын 4-нөөс эхэлсэн. Хамгийн түрүүн манай мэргэжилтнүүд Сонгинохайрхан дүүрэгт ажиллаж, 1154 иргэний хашааг газар дээр үзэн 33 айлын кадастрын зургийн зөрүүг арилгаж, 10 айлын орц гарцын асуудал шийдвэрлэж, шийдвэрээ авсан ч үл хөдлөхийн гэрчилгээгээ аваагүй байсан 63 иргэнд хуулийн зөвлөгөө өгч, дүүргийн бүртгэлийн хэлтэст хүсэлт гаргуулахаар явуулсан байна. Мөн Нийслэлийн Засаг даргын захирамжаар 429 иргэнд газар өмчлөх захирамж гарган шийдвэрээ иргэдэд нь гардуулсан.

Баянзүрх дүүрэгт 9 дүгээр сарын 25-наас 10 сарын 28-ныг дуустал 3 долоо хоног ажилласан. Энэ хугацаанд 2477 иргэний хашааг газар дээр нь үзэж, 408 иргэний газар эзэмших эрхийн гэрчилгээний хугацаа дууссан, 87 иргэний газрын талбайн хэмжээнд өөрчлөлт оруулах, 188 иргэний газар эзэмших эрхээ шилжүүлэх нийт 1213 иргэний асуудлыг дүүргийн Засаг даргын захирамжийн төсөлд оруулан 2 удаа танилцуулсан боловч захирамж гараагүй байна.

Үүнээс гадна газрын ямар нэгэн зөрчилгүй шууд эзэмшил газрыг нь өмчлөх боломжтой 441 иргэний газар өмчлөх эрхийг Нийслэлийн Засаг даргын захирамжаар шийдвэрлэж, газар өмчлөх шийдвэрийг бичин дүүргийн Газрын албанд хүлээлгэн өгөөд байна.

Хамгийн сүүлд Баянгол дүүрэгт ажиллаад дууслаа. Өнөөдрийн байдлаар 456 иргэнтэй уулзаж, 228 хашааг газар дээр нь үзэж газрын зөрчил маргаангүй 115 өргөдөл аваад байна. Мөн орц гарц гаргах, буруу барьсан хашааг кадастрын зургийн дагуу засах, кадастрын зурагт өөрчлөлт оруулах зэрэг ажлууд хийгдлээ. Нийт 3 дүүргийн хэмжээнд 985 иргэний өмчлөлийн захирамжийг гаргаж, хугацаа сунгуулах, эрх шилжүүлэх зэрэг захирамжийн төслийн шатанд явж байгаа нийт 1628 өргөдөл байна.

-Эзэмшил газар гэдгийг та тодотгоод тайлбарлахгүй юу?

-Дүүргийн Засаг даргын захирамжийг үндэслэн олгогдсон газар эзэмших эрхийн гэрчилгээ, дүүргийн газрын албаны тамга бүхий кадастрын зургийн хамт байгаа мөн газраа зориулалтын дагуу ашиглаж байгаа бол та газар эзэмшигч мөн. Үүнийг эзэмшил газартай гэж хэлнэ. Зориулалтын дагуу гэдэг нь газар эзэмших гэрчилгээн дээр бичигдсэн иргэний ахуйн зориулалтаар гэдэгтэй тохирч байх ёстой. Зарим иргэд иргэний ахуйн зориулалттай гэрчилгээтэй гэтэл газар дээрээ машин засвар ажиллуулж байна энэ бол зориулалттайгаар тохирохгүй байгаа учир газрын хуулийг зөрчсөн гэж үзнэ.

-Би зуслангийн газар эзэмшдэг байлаа гэхэд энэ аянд хамрагдаж газраа өмчлөх боломжтой юу?

-Уг аян маань нийслэлийн үнэлгээний 1, 2 дугаар бүсэд оршин сууж буй иргэдэд хамаатай юм. Яагаад 1, 2 дугаар бүс гэж онцолсон юм вэ гэж иргэд их асуудаг. Бид 9 дүгээр сард аянаа эхлүүлсэн тул он дуустал 1, 2 дугаар бүсээ эхний ээлжинд дуусгая гэж төлөвлөсөн. 2018 оноос үлдсэн 3,4 дүгээр бүс болон зуслангийн ногоон бүсэд газар өмчлөлийн ажлыг эрчимжүүлэн хийнэ. Зусланг 2018 онд гэж төлөвлөсний гол шалтгаан бол нийслэлийн ногоон бүсийн 26 амны хэсэгчилсэн ерөнхий төлөвлөгөөг шинэчлэн боловсруулахаар төлөвлөсөн.

Өөрөөр хэлбэл, 2018 онд зуслангийн 26 амны хэсэгчилсэн ерөнхий төлөвлөгөөг дахин боловсруулан батлуулах мөнгийг төсөвт суулгахаар ажиллаж байна. Хэрвээ энэ төсөв батлагдчих юм бол ирэх онд зуслангийн ногоон бүсийн газар олголтыг цэгцлэх ажил эрчимтэй хийгдэх боломжтой болох юм. Одоо мөрдөж байгаа ерөнхий төлөвлөгөө маань 2011 онд хийгдсэн учир одоогийн газар ашиглалтын байдалд нийцэхгүй байна.

-Аянд хамрагдсан 6 дүүргийн 43 хороонд оршин суудаггүй иргэд байвал энэхүү аянд хамрагдаж болох уу. Эсвэл зөвхөн судалгаанд хамрагдсан хорооны иргэд л газраа өмчилж авах юм уу?

-Нийслэлийн Газрын албанаас энэ ондоо судалгаанд хамрагдсан айлуудаар орж газрыг өмчлүүлэх ажил хийгдэж байна. Ирэх онд нийслэлийн үнэлгээний 3-4 дүгээр бүсэд оршин сууж буй иргэдийн газар ашиглалтын байдалд судалгаа хийж газрыг өмчлүүлэх, зөрчил маргааныг арилгах, орц гарц гаргах зэрэг ажлуудыг хийхээр төлөвлөөд байна.

-Хэрвээ миний эзэмшил газар ямар нэгэн зөрчилтэй бол яах вэ. Талбайн хэмжээгээ хэтрүүлсэн ч юм уу, орц гарц хаасан байвал газраа өмчилж авах боломжгүй гэсэн үг үү?

-Ер нь бол тийм. Гэхдээ бид та ямар зөрчилтэй байна. Үүнийгээ яаж засаж болох вэ гэдгийг газар дээр очоод зөвлөгөө өгч зөрчлөө арилгахад нь тусалж, кадастрын компанитай хамтран цэг тэмдгийг зааж өгөх хашааг нь засуулах, орц гарц гаргахад нь тусалж хашааг нь буулгаж зөөж барихад нь дүүргийн газрын албатайгаа хамтран ажиллаж байна.

-Үнэлгээний 1, 2 дугаар бүсчлэл гэж яг юуг хэлж байгаа вэ?

-Нийслэлийн төвийн 6 дүүрэг тус бүр дүүргийн Иргэдийн хурлын тогтоолоор батлагдсан нийслэлийн газрын үнэлгээний 1-4 дүгээр бүс гэж байдаг. Газрын төлбөр, үнэлгээг ИТХ-ын тогтоолыг үндэслэн бүсчлэлийг тогтоодог. Энэ бүсчлэлээр 1-2 дугаар бүс гэж тогтоогдсон бүсийн иргэдийг бид он дуустал хугацаанд газрыг нь өмчлүүлэхээр ажиллаж байна.

-Яагаад заавал нийслэлийн суурьшлын 1-2 дугаар бүсэд оршин сууж байгаа иргэд гэж тодотгосон юм вэ. Хэрэв би 3 дугаар бүсэд амьдардаг бол газраа өмчилж авч болохгүй юм уу?

-Бидэнд он дуустал 3 сарын хугацаа байгаа болохоор 1-2 дугаар бүсийг сонгосон. Мөн1-2 дугаар бүсэд дахин шинээр газар олгох газаргүй байгаа учраас эндээсээ эхлээд өмчлөлөө цэгцлээд явах зорилгоор дээрх бүсүүдийг сонгосон байгаа. Ер нь 3-4 дүгээр бүсүүдэд 2018 онд ажиллахаар төлөвлөөд байна. Аян дууслаа гэдэг нь газар өмчлөлийн ажил зогслоо гэж ойлгож болохгүй газраа өмчилж авах эрх нээлттэй байгаа. Аяны бол манай мэргэжилтнүүд иргэдэд ойртон хороо дээр сууж ажиллах, газар дээр нь хашааг нь үзэх, иргэдийнхээ үгийг сонсох хооронд нь зөвшилцүүлэн орц гарц гаргах зэрэг ажил хийж байгаагаараа онцлог юм. Заавал аянг хүлээх хэрэггүй материалаа бүрдүүлээд дүүргийн газрын албандаа хүсэлтээ гаргахад болно.

-Одоо Баянгол дүүрэгт аян үргэлжилж байгаа юм байна. Дараа нь аль дүүрэгт ажиллах вэ?

-Энэ сарын 13,14-нд Хан-Уул дүүрэгт ажиллах төлөвлөгөөтэй байна. Харин 15-наас эхлэн 10 хоног Сүхбаатар дүүрэгт, дараа нь Чингэлтэй дүүргэт ажиллана. Иймд иргэд материалаа бүрдүүлэн бэлэн болгосон байвал сайн байна.

-Аяны хүрээнд эзэмшил газраа өмчлөх хүсэлтэй иргэд ямар материал бүрдүүлсэн байх ёстой вэ?

-Нийслэлийн Газрын албанаас зөвлөмж, тараах материал 10000 ширхгийг хэвлүүлэн дүүрэг, хороо, хэсгийн ахлагч нараар дамжуулан тараасан байгаа. Иргэд доорх материалыг бүрдүүлсэн байх шаардлагатай. Үүнд:

  1. Газар эзэмших эрхийн гэрчилгээ /хугацаа дуусаагүй байх, эх хувиар авчрах/
  2. Газрын албаны тамга тэмдэг бүхий кадастрын зураг /гэрчилгээ, кадастрын зургийн хэмжээ зөрүүгүй байх/ Зарим иргэд хувийн компаниар хийлгэсэн кадастрын зургаа газрын албаны зургийн сүлжээнд оруулахаар дүүргийн газрын албанд өгөх ёстойг мэдэхгүй өөртөө хадгалаад байдаг юм байна.
  3. Хорооны Засаг даргын тодорхойлолт энд би бас нэг тайлбар хэлмээр байна. Хорооны Засаг дарга нар чи манай хороонд амьдраагүй тодорхойлолт өгөхгүй гэдэг юм байна. Гэтэл тодорхойлолт гэдэг нь тэр хүн зөвхөн амьдардаг гэсэн тодорхойлолт биш тухайн хашааны номер дугаарыг давхардуулалгүй олгосон байх, бас тухайн иргэний хашаа байшин үл хөдлөх нь байдаг гэдгийг тодорхойлох юм. Иргэн хашаандаа амьдардаггүй түрээсэлдэг өөрөө байшинд амьдардаг байж болно. Тэгэхээр тэрийг нь л тодорхойлно гэсэн үг. Иргэд бас хашаагаа бусдад түрээсэлдэг өөрөө амьдардаггүй бол үүнийгээ хороондоо мэдэгдэж манай хашааг ... хэн түрээсэлдэг гэдгийг тэмдэглүүлэх хэрэгтэй.
  4. Иргэний үнэмлэхний хуулбар
  5. Газар өмчлөхийг хүссэн өргөдөл /хэвлэмэл маягтаар бөглөнө/
  6. Газрын төлбөр төлсөн баримт /жилд 1м2 газарт 4 төг 40 мөнгө төлдөг / хэрэв олон жил төлөөгүй бол нөхөж төлнө 700м2 газартай бол жилд 3080 төгрөг төлнө энэ нь улсаас 90% чөлөөлөөд зөвхөн 10 хувийг иргэнээр төлүүлдэг юм

-Иргэд аянд хамрагдахдаа юу, юуг анхаарах ёстой вэ?

-Иргэдэд зөвлөгөө өгөхөд хамгийн түрүүнд газар эзэмших гэрчилгээтэй байх ёстой. Энэ аян бол шинээр газар зааж гэрчилгээ олгох биш гэрчилгээтэй иргэдийн газрыг өмчлүүлэх, мөн олон жил уг газар дээрээ суурьшин амьдарч байгаа иргэдийн газрыг хууль зөрчөөгүй маргаангүй бол баталгаажуулан гэрчилгээ олгохоор дүүргийн Засаг даргад захирамжийн төсөл бэлдэн танилцуулах цаашид газрыг өмчлүүлэх, газрыг нь үл хөдлөх эд хөрөнгө болгож өгөх л зорилготой юм.

Газар эзэмших эрхийн гэрчилгээгээ хугацаа нь дуусаагүй эсэхийг үзээрэй он сар нь Засаг даргын захирамжийг үндэслэн бичигдсэн байгаа. Энэ он сараас эхлэн хэдэн жилийн хугацаатай олгосон байгаагаар тоолно. Гэтэл иргэд гэрчилгээг олгосон он сар гэж доод талд бичигдсэнээс эхлэн тоолоод хугацаа дуусаагүй байна гэж бодоод байдаг. Зарим нь бүр хугацаагаа хараагүй далд хийгээд мартсан гэрчилгээний хугацаа дуусаад 3-5 жил болсон ч байна. Мөн кадастрын зургийн доод талд бичигдсэн талбайн хэмжээ гэрчилгээн дээр бичигдсэн талбайн хэмжээ зөрүүтэй байдаг. Энэ юунаас болдог вэ гэхээр иргэд хашаагаа барихдаа кадастрын компаниар 4 цэгээ тэмдэглүүлэлгүй өөрсдийн нүдэн баримжаагаар барьдагтай холбоотой хэрэв зөрүүтэй бол газрын албаны мэргэжилтэнтэйгээ уулзаж аль нь зөв вэ цаашид яаж засах талаар зөвлөгөө авах хэрэгтэй.

Бас нэг зүйл хэлэхэд, цахим өмчлөлөөр газар авсан иргэд өргөдөл өгсөн байдаг. Газар өмчлөлийн хуулинд зөвхөн нэг удаа үнэ төлбөргүй гэж заасан байдаг тул та гэр бүлийн гишүүдийнхээ хэн нэгний нэр дээр одоо байгаа хашаагаа өмчлүүлж болно. Мөн хөдөө орон нутагт газар өмчилж авсан иргэд мөн болохгүй юм.

-Ер нь иргэд хэр идэвхтэй оролцож байна. Аяны үйл ажиллагаанд зөвхөн иргэд биш төрийн байгууллагуудын дэмжлэг туслалцаа сайн байвал амжилттай явагдах байх гэж бодож байна. Дүүрэг, хорооны Засаг дарга нар хэрхэн хүлээн авч байна. Иргэд рүүгээ чиглэсэн ажил болохоор их баяртай хүлээн авч байгаа байх энэ талаар?

-Сонгинохайрхан дүүргийн хувьд иргэд болон дүүргийн Засаг даргын тамгын газар, Газрын алба, Хорооны Засаг дарга нар, хэсгийн ахлагч гээд бүгд их сайн тусалж дэмжиж аян маань ч үр дүнтэй сайн явагдсан.

Харин Баянзүрх дүүргийн хувьд Газрын албаны маань мэргэжилтнүүд хамтран ажиллаж иргэд ч бас идэвхтэй оролцсон боловч Дүүргийн Засаг даргын зүгээс дэмжлэг үзүүлээгүй болохоор газар өмчлүүлэх аян маш муу явагдлаа хүссэн үр дүндээ хүрч чадсангүй. 2250 иргэнд газрыг нь өмчлүүлнэ гэсэн зорилготой байсан боловч 431 иргэнд газар өмчлүүлэхээр Нийслэлийн Засаг даргын захирамж гаргасан. Дүүрэг дээр газар эзэмших эрхийн хугацаа сунгах, эрх шилжүүлэх, шинээр эзэмших эрх олгох зэрэг 1213 иргэний өргөдөл үлдээсэн байгаа энэ захирамжууд гарчихвал бид газрыг нь өмчлүүлэхэд бэлэн байна.

Баянгол дүүргийн хувьд Дүүргийн Засаг дарга болон Газрын алба, хороо, хэсгийн дарга нар сайн дэмжиж байсан ч иргэдийн идэвхи сул байлаа. Иймд иргэдээ идэвхтэй оролцоорой гэж уриалж байна. Гэхдээ энэ нь газар өмчлөл зогслоо гэсэн үг биш дээр хэлсэнчлэн дүүргийн Газрын алба өмчлөлийн өргөдөл хүлээж авах ажил хэвийн явагдана.

-Нийслэлийн ногоон бүс зуслангийн газар өмчлөлийн ажил явагдаж байгаа юу өргөдлөө хаана өгөх вэ?

-Нийслэлийн ногоон бүс энэ аянд хамрагдаагүй ч гэсэн газар өмчлөлийн ажил бол хэвийн явагдаж байгаа. Хэрэв таны эзэмшиж буй газар ойн сан, усны хамгаалалтын бүс, өндөр хүчдэлийн хамгаалалтын бүсэд ороогүй бол өмчлүүлж болно. Та дүүргийн Газрын албандаа дээрхи материалуудыг бүрдүүлэн өргөдлөө өгөхөд болно.

-Иргэд Газрын албанаас “Газар өмчлүүлэх шийдвэр”-ээ авсан нь газраа өмчилж авсан гэсэн үг мөн үү. Шийдвэрээ банкны барьцаанд өгөх гэхээр дахин газрын албан дээрээ оч гээд байх юм энэ юу гэсэн үг вэ?

-Аяны хүрээнд манай мэргэжилтнүүд иргэдтэй уулзахад, яг ийм тохиолдлууд зөндөө байна. Дүүргийн Газрын албанаас танд газрыг тань өмчлүүлсэн гэсэн Нийслэлийн Засаг даргын шийдвэрийг танд өгсөн бол та шийдвэрээ, кадастрын зураг, хянан баталгааны хуудас, дүүргийн бүртгэлийн хэлтсийн бусад бүрдүүлдэг материалуудыг бүрдүүлэн хүсэлтээ тухайн дүүргийнхээ бүртгэлийн хэлтэст өгч эд хөрөнгө өмчлөх эрхийн гэрчилгээгээ авснаар та газраа өөрийн үл хөдлөх хөрөнгө боллоо гэж үзнэ. Ингээд та зарах, бэлэглэх, өвлүүлэх, барьцаалах эрхтэй болж байна гэсэн үг юм.



Нэг л LIKE бидэнд хангалттай


LIKE дараарай, баярлалаа

Сэтгэгдэл бичих

Анхааруулга

Уншигч танд дээрх мэдээ, нийтлэлтэй холбоотой соёлч боловсон, зүй зохистой хэлэлцүүлэг үүсгэх, хувийн үзэл бодлоо илэрхийлэх боломжийг олгож байна.
Та сэтгэгдэл бичихдээ дараах хэдэн зүйлийг анхаарна уу!
  • Аливаа зүйлд санал, үзэл бодлоо илэрхийлэх эрх нь ардчилсан чөлөөт нийгмийн зарчим хэдий ч өөрийн эрх нь бусдын эрх ашгаар хязгаарлагдаж байдаг тул Та бусдад хүндэтгэлтэй хандаж, зөвхөн тухайн мэдээ, нийтлэлтэй холбоотой саналаа илэрхийлнэ үү.
Дэлгэрэнгүй...

Уншигчдын сэтгэгдлүүд   [ 2 ]

2017 оны 11-р сарын 14. 11:55Зочин - [182.160.37.***]

Ёстой л нүглийн нүдийг гурилаар хуурах ажил байна даа...

2017 оны 11-р сарын 13. 22:57Зочин - [202.72.245.**]

Zuv ..tusal.noloo

Шинэ мэдээИх уншсанИх сэтгэгдэлтэй

Японы уран гулгагч Юзүрү Ханю Пёнчан 2018-д Алтан медаль хүртлээ10 цаг 53 минутын өмнө

Э.Содномпилжээ Дэлхийн цомд өрсөлдөнө10 цаг 56 минутын өмнө

Иргэдийн санал, гомдлыг тусгай дугаарт авч байна10 цаг 58 минутын өмнө

Гэмт хэрэг, түгжрэлгүй сар шинийн баяр болж байна10 цаг 59 минутын өмнө

Тайра Бэнкс: Би дахин тээгч эхийн тусламжтай хүүхэдтэй болно15 цаг 5 минутын өмнө

Улс орнууд "ЦАГААН САР"-аа хэрхэн тэмдэглэдэг вэ?15 цаг 12 минутын өмнө

Пёнчан-2018: Медведева дэлхийн дээд амжилт тогтоон ялалт байгууллаа15 цаг 20 минутын өмнө

Зурхайчдын төлөгт нохой жил хэрхэн буув?17 цаг 26 минутын өмнө

Олны танил эрхэмүүдийн энэ жилийн гоёл17 цаг 35 минутын өмнө

Сайн малчин, тариаланч, фермерүүд шагналаа гардан авлаа17 цаг 46 минутын өмнө

Төрийн өндөрлөгүүдийн сар шинийн гангараа17 цаг 48 минутын өмнө

Пёнчан 2018: Өнөөдөр болох тэмцээний хуваарь17 цаг 53 минутын өмнө

Нийтийн тээврээр үнэ төлбөргүй үйлчлүүлээрэй17 цаг 56 минутын өмнө

Ням гаригт НӨАТ-ын сугалаа шинэчилсэн журмаар явагдана18 цагийн өмнө

Б.Лхагвасүрэн: Монголын төр, түмэндээ баярласнаа илэрхийлэхийн ялдамд сар шинэдээ сайхан шинэлэхийн ерөөл дэвшүүлье18 цаг 4 минутын өмнө

Нийслэлийн засаг дарга бөгөөд Улаанбаатар хотын захирагч С.Батболд мэндчилгээ дэвшүүллээ18 цаг 7 минутын өмнө

760 алба хаагч та бидний амар амгалангийн манаанд ажиллаж байна18 цаг 9 минутын өмнө

Эрүүл мэндийн байгууллагууд 24 цаг бэлэн байдалд ажиллаж байна18 цаг 10 минутын өмнө

Шинийн 3-ныг дуустал нэгдүгээр эгнээгээр зорчиж болно18 цаг 12 минутын өмнө

Банкууд хэзээ хэрхэн ажиллах вэ18 цаг 16 минутын өмнө

Цас орж, явган шуурга шуурч, хүйтрэнэ18 цаг 18 минутын өмнө

Шороон нохой жилийн 12 жилтний төөрөг, засал19 цаг 36 минутын өмнө

Сар шинийн барилдаанд улсын харцага Б.Бат-Өлзий түрүүллээ2018 оны 2-р сарын 15. 21:02

Д.Чойжамц: Битүүний өдөр хүн бүр гурван зүйлийг л чухалчлан анхаарах хэрэгтэй2018 оны 2-р сарын 15. 15:34

Уяачдад улсын цол хүртээлээ2018 оны 2-р сарын 15. 14:20

Шүүгч, ажилтнуудад шагнал гардууллаа2018 оны 2-р сарын 15. 14:10

Хүчит бөхийн барилдаан эхэллээ2018 оны 2-р сарын 15. 14:05

Олны танил эрхмүүд хэрхэн "валентиндсан" бэ?2018 оны 2-р сарын 15. 14:01

Нийтийн тээвэр шинийн 3-ныг дуустал үнэгүй үйлчилнэ2018 оны 2-р сарын 15. 13:40

Нийслэлийн удирдлагууд Гүсэн түгийн мандал өргөлөө2018 оны 2-р сарын 15. 13:38

Гол дээгүүр гарахгүй байхыг анхааруулав2018 оны 2-р сарын 15. 13:37

Бөхийн барилдаан 12:00 цагт эхэлнэ2018 оны 2-р сарын 15. 13:28

Баярын өдрүүдэд өрхийн эмнэлгүүд 10-16 цагт ажиллана2018 оны 2-р сарын 15. 13:05

Өнөөдөр 4, 9-өөр төгссөн автомашин хөдөлгөөнд оролцохгүй2018 оны 2-р сарын 15. 12:58

Ерөнхий сайд сар шинийн мэндчилгээ дэвшүүллээ2018 оны 2-р сарын 15. 12:54

Шинийн хоёрноос цасан шуурга шуурч, хүйтрэхийг анхааруулав2018 оны 2-р сарын 15. 12:33

АМГТГ болон Сангийн яамны ТНБ-ийн даргыг томиллоо2018 оны 2-р сарын 15. 12:24

ОБЕГ өндөржүүлсэн бэлэн байдалд шилжлээ2018 оны 2-р сарын 15. 12:17

Цагаан сар ба эрх чөлөө2018 оны 2-р сарын 15. 12:08

Сар шинээр бага насны хүүхдийг үнсэхгүй байхыг зөвлөж байна2018 оны 2-р сарын 15. 11:57

НИТХ-ын дарга С.Амарсайхан мэндчилгээ дэвшүүллээ2018 оны 2-р сарын 15. 11:43

Салат, зуушийг ширээн дээр хоёр цагаас илүү бүү байлга2018 оны 2-р сарын 15. 11:26

Зээлийн хүүгийн дээд хязгаар тогтоох тухай төслийг боловсруулж дуусчээ2018 оны 2-р сарын 15. 11:21

Ким Жон Уныг элэглэгч хөгжөөн дэмжигчдийг бухимдуулав2018 оны 2-р сарын 15. 11:01

Худалдаа, үйлчилгээний газруудын ажиллах цагийн хуваарь2018 оны 2-р сарын 15. 10:46

Баяраар 700 сонсогч эргүүл, хамгаалалтад үүрэг гүйцэтгэнэ2018 оны 2-р сарын 15. 10:41

Битүүлэх ёсон2018 оны 2-р сарын 15. 10:19

Сар шинийн баяраар дугаарын хязгаарлалт үйлчлэхгүй2018 оны 2-р сарын 15. 10:17

Гал тахиа жилд болсон гол онцлох үйл явдлууд2018 оны 2-р сарын 15. 10:13

Хохирогчийн биеэс илэрсэн эс Д.Гантулгынхтай таарчээ2018 оны 2-р сарын 15. 09:41

Улаанбаатарт 13 хэм хүйтэн2018 оны 2-р сарын 15. 09:34

Өнөөдөр битүүний өдөр2018 оны 2-р сарын 15. 09:30

Нийт хүүхдийн 80 хувьд хүүхдийн мөнгө олгоно2018 оны 2-р сарын 14. 18:54

Цанын тамирчид "Пёнчан 2018"-д уралдах бэлтгэлээ хангаж байна2018 оны 2-р сарын 14. 18:51

Бишкек хотод Монгол Улсын ЭСЯ нээн ажиллуулахыг дэмжив2018 оны 2-р сарын 14. 18:47

Шороон нохой жилийн зүг, мөр гаргах зурхай2018 оны 2-р сарын 14. 18:33

Бүх нийтийн эрх зүйн боловсролыг дээшлүүлэх хөтөлбөр хэрэгжүүлнэ2018 оны 2-р сарын 14. 18:10

Хөдөлмөрийн тухай хуулийн шинэчилсэн төслийг УИХ-д өргөн мэдүүлнэ2018 оны 2-р сарын 14. 18:07

ТЕГ 597 иргэнд архивын үйлчилгээ үзүүлжээ2018 оны 2-р сарын 14. 17:39

Ажилгүй иргэдийн тоо буурчээ2018 оны 2-р сарын 14. 17:31

Төрийн золголт шинийн 1-ний 09.00 цагт эхэлнэ2018 оны 2-р сарын 14. 17:27

Эдийн засгийн чөлөөт бүс байгуулах хөтөлбөрийг хэлэлцэнэ2018 оны 2-р сарын 14. 17:19

Хан-Уул дүүргийн эрүүл мэндийн төвүүдэд агаар цэвэршүүлэгч өглөө2018 оны 2-р сарын 14. 17:15

Малын зүй бус хорогдол тав дахин өсчээ2018 оны 2-р сарын 14. 17:06

Нийслэлийн орон сууц, дэд бүтцийг хөгжүүлэх дэд хөтөлбөрийг батлахыг дэмжив2018 оны 2-р сарын 14. 16:43

Г.Мөнх-Очир: Нислэгийн бүх дүрэм, журам цусаар бичигдсэн байдаг2018 оны 2-р сарын 14. 16:14

НИТХ-ын төлөөлөгч Ц.Одонтунгалаг зөвлөмж гардуулав2018 оны 2-р сарын 14. 16:07

Д.Нанжид, Ж.Бүрэнбэх нар Ардын жүжигчин цол хүртлээ2018 оны 2-р сарын 14. 16:02

Н.Учрал тойргийнхоо ахмадуудыг хүлээн авч уулзав2018 оны 2-р сарын 14. 15:53

Төсвийн тэнцэл 114.2 тэрбум төгрөгийн ашигтай гарчээ2018 оны 2-р сарын 14. 15:51

Олон нийтийн дэд зөвлөл ажиллаж эхэллээ2018 оны 2-р сарын 14. 15:47

Д.Бэхбат Урлагийн гавьяат зүтгэлтэн боллоо2018 оны 2-р сарын 14. 15:45

Автобуснуудад их цэвэрлэгээ хийлээ2018 оны 2-р сарын 14. 14:12

“Эрдэнэс Монгол” группийн ТУЗ-ын даргаар Б.Бат-Эрдэнэ томилогджээ2018 оны 2-р сарын 14. 13:58

Даатгалын багц дүрмийн төслийн талаар хэлэлцэв2018 оны 2-р сарын 14. 13:50

Орхон, Булган аймгийн улсын аваргуудад шагнал гардуулав2018 оны 2-р сарын 14. 13:45

Ойгоос зулзаган мод шилжүүлэн суулгах талаар хэлэлцэв2018 оны 2-р сарын 14. 13:38

Д.Сарангэрэл: Эмч нараа шат ахисан сургалтад хамруулах төлөвлөгөөтэй байна2018 оны 2-р сарын 14. 13:32

Өрхийн сарын дундаж орлого 950 мянган төгрөг байна2018 оны 2-р сарын 14. 13:26

Хөгжлийн бэрхшээлтэй 100 мянган хүнээ дэмжиж, туслахыг уриалав2018 оны 2-р сарын 14. 13:19

Газар эзэмших дуудлага худалдааны анхны үнийг шинэчлэн баталжээ2018 оны 2-р сарын 14. 13:13

Монгол Улсын эдийн засаг 2017 онд 5.1 хувиар өсчээ2018 оны 2-р сарын 14. 12:53

“МИАТ"-д хөндлөнгийн аудитын шалгалт хийж эхэлжээ2018 оны 2-р сарын 14. 12:50

Хогоор бүтээсэн баримлууд2018 оны 2-р сарын 14. 12:43

Баяраар дүүргийн нэгдсэн эмнэлгүүд 24 цагаар ажиллана2018 оны 2-р сарын 14. 12:28

Элчин сайдын яам нээх тухай хэлэлцэнэ2018 оны 2-р сарын 14. 12:05

Хуурамч мөнгөөр гүйлгээ хийх гэж байгаад баригджээ2018 оны 2-р сарын 14. 11:40

С.Амарсайхан газрын албаны дарга нартай газрын маргааны асуудлыг хэлэлцэв2018 оны 2-р сарын 14. 11:32

МСНЭ дүрэмдээ өөрчлөлт оруулж, шинэ удирдлагаа сонгов2018 оны 2-р сарын 14. 11:24

Гэгээн хайрын баярын өдөр2018 оны 2-р сарын 14. 11:19

Их юм бодох нь эрүүл мэндэд муу гэнэ2018 оны 2-р сарын 14. 10:59

Ким Чен Уны дүү нийгмийн сүлжээнд айдас төрүүлэв2018 оны 2-р сарын 14. 10:50

Хариуцлагагүй эрчүүдээс болж ээжүүд шоронд орж, үр нь өнчирсөөр байх уу?2018 оны 2-р сарын 14. 10:36

Ан-148 нисэх онгоц сүйрсэн тухай эхний дүгнэлт гарчээ2018 оны 2-р сарын 14. 10:27

Жүжигчин Ц.Төмөрхуяг МУГЖ цол хүртлээ2018 оны 2-р сарын 14. 10:12

Эдийн засгийг эмчлэх арга2018 оны 2-р сарын 14. 10:09

Үйл явдлын хураангуй2018 оны 2-р сарын 14. 09:30

Улаанбаатарт 12 хэм хүйтэн2018 оны 2-р сарын 14. 09:28

Өнөөдөр үхэр өдөр2018 оны 2-р сарын 14. 09:26

Сэлэнгэ аймгаас анх удаа "Улсын аварга фермер" тодров2018 оны 2-р сарын 13. 18:40

Батаарын андууд

Хэн юу жиргэв

Санал болгох