Монгол банкны ханш

USD / АНУ-ын доллар 2,850.01
CNY / БНХАУ-ын юань 434.98
RUB / ОХУ-ын рубль 38.64
EUR / Евро 3,444.66
KRW / БНСУ-ын вон 2.61
GBR / Английн фунт 3,793.08
JPY / Японы иен 27.27

Улаанбаатар хотын цаг агаар

2021 оны 10 сарын 23, Бямба
Занданшатар ,Анандбазар нарын үерхэл хаанаас эхтэй вэ?

Занданшатар ,Анандбазар нарын үерхэл хаанаас эхтэй вэ?

Эх сурвалж: Bataar.mn Нийгэм 2021-10-13 18:02:55
      
       Өнгөрсөн амралтын өдрүүдэд Богд ууланд салхилаад бууж ирэх гэсэн хүмүүсийн машины цуваа хоёр гурван цаг үргэлжилсэн их түгжрэлийг үүсгэв. Удахгүй хүйтэрнэ, амжиж хүүхдүүдээ агаарт гаргах гэсэн хүмүүсийн сэтгэлийг яах билээ. Сая гаруй хүнтэй хотын иргэд салхилж агаарлах боломжууд муу. Хот дотроо байгаа уулын амуудыг мөнгө төгрөгтэй хүмүүс нь хашаад авчихсан, тэд улстөрчдийн дэмжлэг хамгаалалт дор, эртний зузаан түншний харилцаатай байдаг болохоор яалтай билээ. 
      Тухайлбал Бага тэнгэрийн ам байна. Маш уужим том ам. Хотын иргэдэд агаарлах боломжтой газар болгоод тохижуулаад өгсөн бол хамгийн тохиромжтой газар. Гэвч үүнийг МИАТ-д, Эрдэнэт үйлдвэрээс эхлүүлээд, улсын томоохон үйлдвэрүүдэд шатахуун шахдагаараа алдартай манай нэг бизнесмэн хашаад авчихсан. Хажуугаар нь явахад битүү хашаатай байдаг байсан бол одоо наанаа хаалт болгоод өндөр барилга барьчихсан, цаана нь тансаг хауснууд байдаг тусгай бүс болчихсон.
    Ц.Анандбазартай холбоотой охид эмэгтэйчүүдэд бэлгийн дарамт үзүүлдэг гэх дуулиан эхлэх үед энэхүү Бага тэнгэрийн аманд байх хаусандаа янз бүрийн зүйл хийдэг талаар яригдаж байсан билээ. Мөн тэр үеэр энэхүү нууцлаг хотхондоо УИХ-ын дарга Г.Занданшатарт хаус өгсөн байдаг талаар яригдаж эхэлсэн. Учир мэдэх улсууд ч тэрхүү хаус бол 2020 оны УИХ-ын сонгуульд нэр дэвших эрх авсны төлөөс гэдгийг ярьж байсан билээ. УИХ-ын эрхэм гишүүний УИХ-ын даргатайгаа эртний холбоо сүлбээтэйг нам дотроо байтугай мэднэ.
        Г.Занданшатарын хувьд УИХ-ын гишүүн, сайд намынхаа залуучуудын байгууллагын дарга, генсекийн албыг хашиж яваад нам нь ялагдах үед АНУ-д суралцахаар явсныг санаж байгаа хүн хэр олон байгаа бол. Тэр үедээ гарцаар явж байхдаа дайруулж, хүнд осолд орсон байдаг. Үхэх сэхэхийн зааг дээр удаж, нэлээд удаан эмчлэгдэж байгаад ирэх үед нь түүнийг нам дээр нь таних улс ховор болсон байлаа.
        Хуучин намын ерөнхий нарийн бичгийн даргын албыг хашиж байсан түүнд намынхаа Цагаан байранд ирэхэд суух өрөө байтугай ороод гарах ч өрөө байхгүй болтлоо намынхан нь түүнийг мартсан байсан. Нэг ёсондоо хүмүүсийг, нам тойрсон нөхдийг тэр ямар хуурамчыг сайн мэдэрч байсан он жилүүд бий. Харин тэр үед түүнд байсан хүнийг Ц.Ананбазарыг гэх юм билээ. Намын байрандаа орох газаргүй болсон Г.Занданшатар "Өргөө" дээр байх Ц.Ананбазарын өрөөнд л сууж байдаг байсан үе бий. Сүүлд хүртэл энэ зангаа тавихгүй төрийн хамгаалалтад байдаг албан тушаалтан мөртлөө үе үе зочилдог байсан гэдэг.
      Хаус нэр дэвших эрхийн тооцоо ч байдаг уу тэр хоёр дотноос дотно харилцаатай нь үнэн. Тэр ч утгаараа байна уу, найз нөхөд, ашиг сонирхлын олон холбоо ч бий байх. Улс төр бизнесийн болоод найз нөхдийн асар их холбоо тэдний дунд бий нь цор ганц үнэн юм. Эдүгээ спикэрийн өндөр нэр сүрээр Анандбазарыг аливаа асуудалд ороход нь авраад л яваад байгаа нь нууц биш ээ.

       Түүнчлэн "УИХ-ын гишүүн Ц.Анандбазар охидыг хүчирхийлдэг” гэх хэргийг цагдаа шалгаж эхлээд хагас жил өнгөрлөө. Энэ тухай нэвтрүүлэг хийсэн сэтгүүлч Ц.Анхзул, С.Будрагчаа нар АТГ-ын гадаа мэдээлэл хийв. 
       Энэ үеэр сэтгүүлч Ц.Анхзул: " УИХ-ын гишүүн Ц.Анандбазар охидыг хүчирхийлдэг гэх асуудлыг өнгөрсөн 4-р сард буюу одоогоос 6 сарын өмнө эрэн сурвалжлах нэвтрүүлгээрээ гаргасан. Нэвтрүүлэг гарсны маргаашнаас эхлээд хэрэг бүртгэлийн хэрэг нээж шалгаж эхэлсэн байдаг. Уг нэвтрүүлгээр 6 хохирогч, уг хэргийг гэрчлэх 3 гэрч гээд нийт 9 хүн оролцсон. Хохирогч нь тодорхой, гэрчлэх гэрч нь байгаа хэрэг дээр цагдаагийн байгуллагаас 5-6 хүний бүрэлдэхүүнтэй ажлын хэсэг гарчихаад өнөөдрийг хүртэл уг хэргийг эцэслэж шалгаж дуусахгүй байгаа юм. Энэ хэргийг шалгаж эхлэхтэй зэрэгцээд сэтгүүлч С.Будрагчаа бид хоёрыг мөн шалгаж эхэлсэн. 
       Энэ асуудал дээр нь тухайн үед УЕПГ-т гомдол гаргаснаар биднийг холбогдогчоор дуудсан хошууч н.Ганбат, хурандаа н.Бат-Эрдэнэ нарт Цагдаагийн байгууллагын дотоод хяналтаас шалгалт хийгээд алдаатай мөрдөн шалгах ажиллагаа явуулсан байна гэж үзээд сахилгын хариуцлага тооцсон юм. Мөн  манай нэвтрүүлэгт орсон хохирогч 6 эмэгтэйд ч асуудлууд үүсэж эхэлсэн.
 
  Бид нэвтрүүлэгтээ эдгээр эмэгтэйчүүдийн дуу хоолойг өөрчилж, царайг нь харуулахгүйгээр, нэрийг нь сольж, нийгэмд цаашдаа амьдрахад нь саад болохгүй байх талаас нь арга хэмжээ авч гаргасан. Гэвч эдгээр хохирогчдоос нэг эмэгтэй нь амиа хорлох үйлдэл гаргахыг завдсан байна. Энэ хэргийг шалгахгүй хагас жил сууж байх хооронд хэн нэгэн хохирогч үхэх ёстой юу?
 
Цагдаагийн байгууллага юу хүлээгээд суугаад байгаа юм бэ? Хохирогч нь байна, гэрч нь байна. Баримтыг нь гаргаад өглөө. Өөр юу хэрэгтэй юм бэ? УИХ-ын гишүүн Ц.Анандбазарын хүчирхийлэлд өртсөн нэг эмэгтэй амиа хорлох үйлдэл хийснийг цагдаагийн байгууллагаас очиж амийг нь аварсан гэдэг нь бүртгэгдсэн. ЦЕГ-ын ХМА-ны дарга Б.Баатархүүгээс тодруулж асууж болно. Бас нэг хохирогч өргөдлөө татаж авья, гомдолгүй гэж прокурорын байгууллагад 2 удаа хандсан байна. Цаашид олон эмэгтэйчүүд битгий хохироосой гэж ярьж байсан эмэгтэй би гомдолгүй, хүчирхийлэлд өртсөн минь үнэн ч гэсэн цаашид би амьдрах учраас шалгуулаад явмааргүй байна. Гомдолгүй учраас намайг битгий шалгаач гэж УЕПГ-т хоёр удаа хүсэлт гаргасан байх юм. Хүнийг ингэж өргөдөл гаргатал нь цагдаагийн ажил удаан байна. Энэ хүнийг айлгаж дарамталсан юм уу? Эсвэл мөнгө төгрөг амалсан юм уу? гэж хардаж байгаа. Тийм учраас УИХ-ын гишүүн Ц.Анандбазарыг шалгаж өгөөч гэж АТГ-т хандаж байна." хэмээсэн юм.
М.Чойжал
Эх сурвалж: Bataar.mn Нийгэм 2021-10-13 18:02:55

Сэтгэгдэл бичих