2019 онд батлагдсан хуулиуд дээр Төрийн тамга дарав

Монгол Улсын Ерөнхийлөгчийн Тамгын газрын дарга Ө.Шижир болон УИХ-ын Тамгын газрын Ерөнхий нарийн бичгийн дарга Л.Өлзийсайхан нар 2019 онд батлагдсан хуулиуд дээр өчигдөр Төрийн тамга дарлаа.


Төрийн бэлгэ тэмдгийн тухай хуульд заасны дагуу 2019 онд УИХ-ын чуулганы нэгдсэн хуралдаанаар батлагдсан хуулиудын уг эхийн эхний хуудаст Төрийн тамгыг дарав.


Төрийн тамгыг Монгол Улсын Ерөнхийлөгч барьж, Монгол Улсын Үндсэн хуулийн уг эхийн хуудас бүр дээр, Монгол Улсын хууль, Улсын Их Хурлаар соёрхон баталсан олон улсын гэрээ, Монгол Улсаас гадаад улстай дипломат харилцаа тогтоох, цуцлах тухай Улсын Их Хурлын шийдвэрийн уг эхийн эхний хуудас дээр тус тус дардаг байна. 

Сэтгэгдэл бичих