ДЭМБ: Улс орнууд хилээ нээсний дараа хамгийн муу үр дагавар амсана

"Хэрвээ улс орнууд COVID-19-өөс сэргийлэх арга хэмжээ авалгүйгээр хилээ нээсээр байвал нөхцөл байдал хамгийн муугаар эргэж болох юм" гэж Дэлхийн эрүүл мэндийн байгууллага (ДЭМБ) үзэж байна. 


ДЭМБ-ийн онцгой байдлын хөтөлбөрийн захирал Майкл Райан НҮБ-ын Женевийн салбарын дэргэдэх гадаадын сурвалжлагчдын холбоонд мэдээлэл хийхдээ ингэж мэдэгджээ. “Хэрвээ улс орнууд байдлыг сайжруулах боломж эрүүл мэндийн системд нь байхгүй нөхцөлд хилээ нээсээр байвал бид хамгийн муу хувилбартай тулгарах болно” гэж тэрээр хэлсэн байна.


"Халдварын шинэ тохиолдлууд нэмэгдэж болзошгүйтэй тэмцэхийн тулд эрүүл мэндийн бүх системээ дэмжихэд улс орнууд анхаарлаа төвлөрүүлэх ёстой" гэж тэр хэлжээ.




Б.Атар

Сэтгэгдэл бичих