Ардын хувьсгалын 100 жилийн ойн лого, брэндбүүк бүтээх уралдааны бүтээл хүлээн авах хугацааг сунгалаа

“Ардын хувьсгалын 100 жилийн ойн лого, брэндбүүк бүтээх уралдаан”-нд бүтээл хүлээн авах хугацааг 10 дугаар сарын 09-ний өдрийн 12:00 цаг хүртэл сунгалаа.

Бүтээлд тавигдах ерөнхий шаардлага:

- Ардын хувьсгалын түүхэн үйл явдлыг бүрэн илэрхийлсэн утга агуулгатай байх;

- Дүрслэлийн шийдэлд үндэсний агуулга, орчин үеийн дүрслэх урлагийн элементийг хослуулан шингээсэн байх;

- Дүрслэлийн шийдэлд “100 жил” бичвэрийг тусгасан байх;

- График дизайныг мэргэжлийн программ дээр хийсэн байх;

- Өндөр нягтралтай (300 dpi-аас багагүй) байх бөгөөд жижгээс том руу хувиргахад харьцаа алдагдахгүй үндсэн элементүүд тод харагдахаар байх;

-Хар, цагаан болон өнгөт, өнгөгүй гадаргуу дээр хэвлэхэд тохиромжтой байх;

-Бүтээлийн тайлбар, утга бэлгэдлийг хавсаргасан байх;

-Уралдаанд нэг оролцогч хэдэн ч загвараар оролцож болох;

-Брэндбүүк нь: албан бичиг /бланк/, дугтуй календарь, тэмдэглэлийн дэвтэр, үзэг, бал, туг, далбаа, дарцаг, CD ковер, цаасан хайрцаг, уут, аяга, түлхүүрийн оосор гэх мэт бүтээгдэхүүн дээр хэвлэж ашиглах боломжтой байх.