Өмхөрч муудсан моддыг тайрч, шинээр суулгажээ

Өмхөрч муудсан, хугарах эрсдэлд ороод байсан дөрвөн ширхэг үхсэн гацуур модыг 6м өндөртэй том оврын нарс модоор сольжээ. 

Улаанбаатар хотын Захирагчийн ажлын албанаас намрын бүтээн байгуулалтын ажлын хүрээнд нисэхийн аюулгүйн тойргоос урагш Өлзийтийн уулзвар буюу Жаргалант руу салдаг уулзвар хүртэлх замын голоор 1027ш 4-6метрийн өндөртэй том оврын шилмүүст мод тарих ажлыг зохион байгуулж байна. Эндээс хамгийн өндөр, өтгөн шилмүүстэй 4ш модыг шилж Б.Алтангэрэлийн гудамжинд үхээд удсан моддыг солих ажлыг зохион байгууллаа.

Өнгөрөгч 2016-2019 онуудад Энхтайваны өргөн чөлөө, Чингисийн өргөн чөлөө, Их тойруу, Бага тойруу болон бусад нийтийн эзэмшлийн гудамж, зам талбайд нийт 9045ш нарс, 2055ш гацуур мод тарьж 98%-тай ургуулсан. Ургаж чадаагүй 2%-ийн хорогдлын хувьд арчилгаа, технологи алдагдсан гэхээсээ илүүтэй согтуу жолооч нарын буруутай үйлдлээс болж дайрагдаж, хугарсан тохиолдлууд байна.

Хуваалцах

Жиргэх

Нийгэм 2023-04-05