Хот хоорондын зорчигч тээврийн үнэ нэмэгдлээ

Хот хоорондын нийтийн зорчигч тээврийн үнэ тарифыг өнөөдрөөс эхлэн нэмэгдүүлжээ. Зам тээврийн хөгжлийн сайдын 2019 оны 374 дугаар тушаалаар 1 хүн км өртгийг 60-75 төг байхаар тогтоосон байдаг. Уг жишиг тарифыг тогтоох үед нэг литр түлш 2430 төгрөг байсан. Харин одоо  дизель түлшний үнэ даруй 3000 давсан тул нийтийн тээврийн үнийг нэмсэн байна. Хот хоорондын замын зардал задаргаа нь  түлш болон бусад эвдрэл гэмтлийн төсөвд оролцдог аж. Өнөөдрөөс мөрдөх үнэ тариф нь тухайн жишиг тарифын хүрээнд дээд хязгаарт хүргэж байгаа юм.