Монголын шигшээ багийн хөвгүүд ялалт байгууллаа
![](http://resource4.sodonsolution.org/bataar/image/2023/09/07/jtl4ps40tkdp010q/Монголын шигшээ багийн хөвгүүд ялалт байгууллаа.jpg)
Зүүн Азийн хөлбөмбөгийн холбооны 15 хүртэлх насны аварга шалгаруулах тэмцээн БНХАУ-ын Чиндао хотод есдүгээр сарын 1-нд эхэлсэн. Одоогоор хэсгийн сүүлийн тоглолтууд үргэлжилж буй бөгөөд Монголын шигшээ баг ээлжит тоглолтоо Хятадын Макаогийн шигшээ багтай хийж 5-0 харьцаатай ялалт байгуулсан юм.
Хожил байгуулснаар манай улсын шигшээ багийн хөвгүүд "А" хэсэгт 2 хожил 2 хожигдолтойгоор 6 оноотойгоор гуравдугаар байрт бичигдлээ.
Ингэснээр Зүүн Азийн хөлбөмбөгийн холбооны 15 хүртэлх насны аварга шалгаруулах тэмцээний тавдугаар байрын төлөөх тоглолтыг "B" хэсгийн гуравдугаар байрт орсон Хонгконгийн шигшээ багтай есдүгээр сарын 7-ны өдөр 15.00 цагаас хийх юм.
СЭТГЭГДЭЛ БИЧИХ