Нийслэлийн хэмжээнд цэрэг татлага маргаашаас эхэлнэ

Нийслэлийн хэмжээнд хугацаат цэргийн албаны 2025 оны I ээлжийн татлагыг тавдугаар сарын 2-4-ний өдрүүдэд зохион байгуулна.

---

"Засгийн газрын шинэ тогтоолын дагуу 1, 2, 3 дугаар дамжааны оюутнуудыг оюутан цэрэгт хамруулж, төгсөх ангийн оюутныг чөлөөлсөн. Цэрэг татлагын байранд очихдоо иргэний үнэмлэх, цэргийн үүрэгтний үнэмлэх, мэргэжлийн үнэмлэх, диплом зэрэг бичиг баримтыг биедээ авч очих шаардлагатай. Хугацаат цэргийн албанд татагдагч нь найман төрлийн шинжилгээ хийлгэж, эрүүл мэндийн үзлэгт орно. Тухайлбал, халдварт сүрьеэ, ДОХ, тэмбүү зэрэг өвчний сорил тавьж оношилно” гэж НЗДТГ-ын Цэргийн штабын дарга Г.Ялалт мэдээлжээ.

Нийслэлийн цэрэг татлагын байрууд:

• Баянгол дүүргийн цэрэг татлагын байр 96-р сургууль
• Баянзүрх дүүргийн цэрэг татлагын байр 14-р сургууль
• Сүхбаатар дүүргийн цэрэг татлагын байр 3-р сургууль
• Сонгинохайрхан дүүргийн цэрэг татлагын байр 83-р сургууль
• Чингэлтэй дүүргийн цэрэг татлагын байр 5-р сургууль
• Хан-Уул дүүргийн цэрэг татлагын байр 34-р сургууль дээр тус тус зохион байгуулахаар болсон байна.