Жүдогийн Үндэсний шигшээ багийн дасгалжуулагчид ажлаасаа татгалзаж эхэллээ

 Манай улсад “Улаанбаатар-2025” жүдо бөхийн “Гранд слам” тэмцээн амжилттай зохион байгуулагдаж өндөрлөсөн. Тус “Гранд слам”-ын дараа Жүдо бөхийн Үндэсний шигшээгийн эмэгтэй багийн дасгалжуулагч МУГТ М.Бундмаа ажлаа өгнө гэдгээ мэдэгдэв. Хэрэв түүнийг ажлаа өгвөл Үндэсний шигшээ багийн дасгалжуулагч, ОУХМ Чимэд-Ёндонгийн Болдбаатар ажлаа өгнө гэдгээ хэллээ. Ч.Болдбаатар дасгалжуулагч “Өглөөний 07:00 цагаас оройны 19:00 хүртэл жүдо бөхийн заалнаас холдоогүй зургаан жил болжээ. Нэг ч өдөр ажил таслаж үзээгүй агуу их сэтгэлтэй найзтайгаа үргэлж хамт шүү.  Чи байхгүй бол би ч байхгүй. Хамтдаа ажлаа өгье. Чи бол миний мэдэх хамгийн мундаг дасгалжуулагчийн нэг шүү” гэжээ.