К.Ёолк, Л.Энхрийлэн тэргүүтэй тамирчид "Токио Их Дуулга"-д зодоглоно

Олон Улсын Жүдогийн Холбоо /IJF/-ноос зохион байгуулдаг цуврал тэмцээний оны сүүлчийнх нь Токиогийн Их Дуулга тэмцээн билээ.

Энэ сарын 6-наас 7-ныг дуустал үргэлжлэх тус тэмцээнд одоогийн байдлаар 43 орны 324 жүдоч өрсөлдөхөөр нэрээ өгчээ.

Япончууд хамгийн олон буюу 56 тамирчин оролцох бол БНСУ-аас 26, ОХУ-ын 22, Хятадын Тайпэйгийн 19, Монголын 16, Польшийн 15, Гүрж, АНУ-ын тус бүр 13 тамирчин бүртгүүлсэн байна.

Монголын улсын багийн бүрэлдэхүүнд:

Эрэгтэй

• 60 кг: Б.Сүхбат, К.Ёолк,
• 66 кг: Б.Эрхэмбаяр,
• 73 кг: Л.Анхзаяа, О.Уранбаяр,
• 81 кг: Н.Жангарай,
• 90 кг: Ц.Дагвадорж,
• +100 кг: Б.Гончигсүрэн, О.Цэцэнцэнгэл

Эмэгтэй

• 48 кг: Ж.Анударь,
• 52 кг: М.Нандин-Эрдэнэ,
• 57 кг: Л.Сосорбарам, Т.Ариунзаяа,
• 63 кг: Л.Энхрийлэн, Х.Ариунтунгалаг,
• 78 кг: О.Хүслэн нар оролцоно.