Олны өмнө удтал гараагүй Кёкюшүзан Д.Батбаяр болон Т.Баясгалан нар

Сүүлийн хэдэн жилийн турш уран бүтээлийн завсарлага аваад байсан дуучин Т.Баясгалан урлагийн ертөнцдөө эргэн ирсэн. Тэрээр энэ зун “Хан тэнгэрийн хайр” нэртэй кино концерт бэлтгэн үзэгчдийн хүртээл болгоод байна.

“Унаган хайр”, “Зөвхөн чамдаа”, “Ботгоны дуу” зэрэг олон сайхан дуугаараа богинохон хугацаанд олны танил болж, нэгэн үе “Зохиолын дууны хатан хаан” хэмээн өргөмжлөгддөг байсан МУГЖ Т.Баясгаланг уран бүтээлээсээ хэсэг хугацаанд завсарлага авахад үзэгч, фенүүдийнх нь сэтгэл дундуурхан байсан билээ. Дуучин Баясгалангийн хувьд бага охиноо гаргасанаасаа хойш төдийлөн олны өмнө гараагүй. Тэгвэл энэ удаа түүний оо энгэсэг түрхээгүй, гоёл чимэглэл зүүгээгүй нэгэн төрх манай хальснаа ийнхүү буужээ.