ИНЕГ-ын экс дарга нар тэрбум гаруй төгрөг завшжээ

Иргэний нисэхийн Ерөнхий газрын дарга асан С.Батмөнхийг АТГ-аас шалгаж, ШШГЕГ-ын харьяа цагдан хорих 461 дүгээр ангид саатуулаад байгаа. Түүнийг мөнгө угаасан хэрэгт холбогдуулан шалгаж буй. Тодруулбал, тэрбээр ИНЕГ-ын дар­гаар ажиллаж байх­даа тус бай­гуул­лагын хөрөнгөөс их хэмжээний буюу тэрбум гаруй төгрөгийг Хонконгийн нэгэн банкны дансанд шил­жүүлж, эргүүлэн өөр хүний дансаар Монгол Улс руу шилжүүлсэн болох нь тогтоогдсон байна. Энэхүү тэрбум гаруй төгрөг нь ИНЕГ-т тендерийн шугамаар орж ирсэн мөнгө аж. Уг хэрэгт одоогоор 6-7 хүнийгшал­гаж байгаа бөгөөд тэдний дотор “Ананд энд Батзаяа” хуулийн фирмийн захирал, МАН-ын дэргэдэх “Нийгмийн Ардчилал” Мон­голын залуучуудын хол­­бооны удирдах зөвлөлийн гишүүн өм­гөөлөгч Б.Батзаяа байгаа юм байна. Түүнчлэн С.Батмөнхөд холбогдох төсвийн хөрөнгий хууль бусаар захиран зарцуул­сан гэх хэргийг УМБГ-т шалгаж байгаа. Түүнийг ИНЕГ-ын даргаар ажил­лаж байх­даа тухайн үеийн Зам, тээвэр, барилга, хот байгуулалтын яам­ны зарим албан хаагчдад орон сууц­ны дэмж­лэг үзүүлсэн хөрөнгийг зориу­лал­тын бусаар зарцуул­сан, хамаа­ралгүй компанийн ажилчдыг дэмжсэн гэх үндэс­лэлээр буруут­гажээ.

Б.Золбоо