”Түндэмүн” сауны хашаанд байсан машинаас эд зүйлээ алджээ

Энэ сарын 16-нд Чингэлтэй дүүргийн хоёрдугаар хороо "Алтжин бөмбөгөр" худалдааны төвийн хоёр давхарын павилонд ажилладаг иргэн У нь лангууны цаанаас бэлэн 700 мянган төгрөг, бусад эд зүйлээ алджээ. Хэргийг Чингэлтэй дүүргийн цагдаагийн хэлтэс шалгаж байна.

Мөн энэ сарын 18-ний өдөр Баянгол дүүргийн 18 дугаар хороо "Түндэмүн" сауны хашаанд автомашинаа тодорхой гэрэлтүүлэг, харуул хамгаалалтгүй газар тавьсанаас болж их хэмжээний эд зүйлээ алдсан хэрэг гарчээ. Тодруулбал, "Түндэмүн" сауны хашаанд иргэн М гэгч нь өөрийн эзэмшлийн "Лексус 470" машинаа харуул хамгаалалтгүй орхисноос үнэт эдлэл, бэлэн биет 820 мянган төгрөг алдагдсан хэргийг Баянгол дүүргийн нэгдүгээр хэлтэс шалгаж байна.

Б.Цэлмэг