“Эргэн дурсахуй”-н дуучид 45 ам.доллараар тоглов

Эргэн дурсахгүй байхын аргагүй, Мон­голын залуусын сэтгэл зүрхийг нэгэн цаг үед байлдан дагуулж байсан 1990-ээд оны “Орцны одод” нэгдэж, залуу насаа дурсан санасан тоглолт хийсэн нь амжилттай болсон билээ. Энэхүү “Эргэн дурсахуй” тоглолтод оролцсон зарим дуучид нийлж АНУ-д амьдран суу­гаа монголчууддаа зориулан ая дуу­гаа өргөхөөр дуучин Н.Гантулга, “Харш” хамтлагийн Баасандорж, “Болор” хамт­лагийн Цэрэндаваа, “Шигтгээ” хамтлагийн Б.Цог нар нэг сар орчим хугацаатай яваад иржээ.

Тэд Америкийн том хотуудаар маш дав­чуу хөтөлбөрийн дагуу машинаар хөнд­лөн гулд явж, 10 гаруй хотод 80-350 гаруй монголчууддаа нэхэн санасан, хүсэн хүлээсэн эргэн дурсахаар сайхан тог­лолтоо толилуулаад ирсэн аж. Тэдний энэхүү содон тоглолтын зар сурталчилгаа фэйсбүүкээр түвэггүй тарж, хүмүүсийн зүрх сэтгэлийг огшоож байсан бөгөөд тэндхийн монголчууд “Харанга хамтлаг ирэхэд л ийм их сүр дуулиан болж байсан юмсан. Ямар гоё тоглолт болов оо” хэмээн ам сайтай бай­жээ. “Эргэн дурсахуй” тоглолтын тасал­барын үнэ 45 ам.доллар байсан гэнэ шүү.