Япончууд Монголд секс аялал зохион байгуулсан уу

Гадаадын хөрөнгө оруулалттай "Эрхүүгийн амралтын төв" хэмээх амралтын газарт Монгол улсын 28 эмэгтэйг Япон улсын 30 иргэнд сонголтонд оруулах байдлаар биеийг нь үнэлүүлэж байсан хэрэг гарсан. Энэ хэргийг Эрүүгийн цагдаагийн газар шалгаж байгаа бөгөөд мөрдөн байцаалтын явцад Японы иргэд Монгол охидуудад өмсгөхөөр усны дотуур хувцсыг эх орноосоо авчирсан нь тогтоогджээ. Тиймээс тэднийг секс аялал жуулчлалын зорилгоор манай улсад ирсэн байж болзошгүй хэмээн сэжиглэж байгаа юм. Дээрх хэргээс үүдэн аялал жуулчлалын байгууллагуудад ч анхаарал хандуулж байгаа бөгөөд секс аялалыг зориуд зохион байгуулсан хэрэгт хэдэн хэдэн хүнийг давхар шалгаж байна. Тэдний дунд “Эрхүүгийн амралтын төв”-ийн удирдлагууд орж байгаа бөгөөд тэднийг “Жуулчдад зориулсан тусгай үйлчилгээ” нэрийдлээр гадаадын иргэдэд 30 орчим охидыг байнга биеийг нь үнэлүүлдэг байсан хэрэгт буруутгаж байгаа аж.