Хятадын экс удирдагчдыг интерполоор баривчлах шийдвэр гаргав

Испани улсын Мадрид хотын шүүхээс Хятадын удирдагч асан Зян Зэмин, Ерөнхий сайд асан Ли Пен нарыг Түвдийн иргэдийг хоморголон устгасан хэ­рэгт сэжиглэн баривчлах шийдвэр гаргасан тухай CNN мэдээл­лээ. Зян Зэмин, Ли Пен нараас гадна Хятадын дээд албан тушаалын гурван улстөрчийг олон улсын хуулиар хариуцлагад татах талаар Түвдийн иргэдийг дэмжих бүлгүүд болон Испанийн иргэншил авсан нэгэн түвд хүн нэхэмжлэл гаргасан юм байна.

Шүүгч Исмаел Морено хэлэхдээ баривчлах шийд­вэ­рийг “хүн төрөлхтний эсрэг гэмт хэрэг үйлдсэн, хомор­голон устгасан, тарчилган зовоосон” хэрэгт сэжиглэн гаргаж байгаа. Түүнчлэн энэ­хүү шийдвэрийг интер­пол болон олон улсын цагдаагийн байгууллагуудад илгээнэ гэсэн аж.

Барселон хотод байдаг Түвдийг дэмжих хороо­­ны ерөнхийлөгч Алан Сантос “Хятадын топ улстөрчдийг Хятадад баривч­лахгүй нь ойлгомжтой юм. Гэхдээ тэднийг гадаад руу явах юм бол баривчлах магадлалтай. Хам­гийн гол нь тэднийг баривч­лах эсэх нь тухайн улс орны ёс зүйн хэм хэмжээнээс ха­­маарна” гэж хэлжээ. Алан Сантос шүүгчдийн гар­­га­сан шийдвэрт сэтгэл өн­дөр байгаагаа хэлснээс гадна түүний ажиллуулдаг хороо Түвдийн сан болон Испа­нид 20 жил амьдарч бай­гаа Түвд, Испанийн иргэн Түбтэн Ванчин Шерпа Шер­патай хамт шүүхэд гомдол мэдүүлсэн гэсэн аж. “Энэ шийдвэр нь аливаа тэнц­вэргүй зүйлд шударга ёс үйл­чилдэг гэдгийг харуулж байна” хэмээн нэмж хэлсэн байна.

Гэхдээ Испанийн пар­ла­­мент Мадрид хотын шүү­хээс гаргасан уг баривч­лах шийдвэрийг мягмар га­ра­гийн орой хэлэлцэх юм. Парламентын гишүүд Испа­нийн шүүхээс гаргасан шудар­га ёсны зарчмыг барим­тал­сан уг шийдвэрт хязгаар­лалт тавьж магадгүй гэнэ.

Учир нь шүүхийн шийд­вэр гаргасан тухайн орноос өөр улс оронд хүний эрхийг зөрчсөн тохиолдолд Испани улс хуулийн арга хэмжээ авах талаар хандаж болох юм байна.

Испанийн шүүхүүд урьд нь Латин Америкийн улс орнуудад тогтнож байсан цэргийн дэглэмийн үйлдсэн гэмт хэргийг шүүхийг орол­дож хүсэлт гаргаж байсан нь талаар болж байжээ. Учир нь тэдгээр улсын Засгийн газруудаас Испа­нийн шүү­хүүдийг ту­хайн улс орнуудын хэрэгт хөнд­­лөнгөөс оролцож бай­гаад дургүйцэн, гомдол мэ­дүүлсэн аж.

CNN агентлагийн сэт­гүүлч Мадрид хотноо суудаг Хята­дын ЭСЯ-наас Хятадын топ улстөрчдийг баривчлах шийдвэрийн талаар асуухаар хэд хэдэн удаа утасдсан боловч яамны ажилтнууд дуудлагыг нь хүлээн аваагүй гэнэ. Тиймээс Хятадын ЭСЯ-наас энэхүү асуултын тухай ойрын хугацаанд мэдэгдэл хийхгүй байх магадлалтай юм.