Фейсбүүкийн зурагнаас бяцхан охиныхоо нэг нүд нь хараагүй байсныг мэджээ

Тара Тайлор гэгч эмэгтэй өөрийн 3 настай бяцхан охиныхоо зургийг нь фэйсбүүк хуудсанаа хийжээ. Харин түүний найзын Стэйси Картер Райли охины зүүн нүд нэг л биш гялайж харагдаж байгааг анзаарсан байна.

Тэрээр найздаа “Энэ зүгээр л харанхуйд авсан зураг учир нэг нүд нь камернаа гэрэлтэж харагдаж байж магадгүй гэхдээ Райлигийн нүдэнд ямар нэгэн асуудал байх шиг надад санагдлаа ” хэмээн хэлсэн байна. Тэр орой нь охины эцэг эх нэлээд хэдэн зураг дарж үзэхэд энэ нь камерны гэрэл биш байсан нь ойлгомжтой болжээ.

Тэрбээр охиныг эмнэлэгт үзүүлж харааг нь тогтоолгоход бяцхан охин зүүн нүд нь хараагүй байсан аж. Тэд энэ бүх хугацаанд бяцхан охины зүүн нүд нь сохор гэдгийг мэдээгүй явж байсандаа их цочирдсон байна. Хэрвээ эртхэн илрүүлээгүй байсан бол тэд охин нь 100,000-д нэг тохиолддог ховор нүдний солонгын өвчинтэй гэдгийг мэдэхгүй өнгөрөх байсан бөгөөд охин нь бүрэн сохрох аюултай байсан гэнэ.

Дугуй унах дуртай бяцхан охинд сохор хүний шинж тэмдэг огтхон ч илэрдэггүй байжээ. Тэд:” Бидний амьдралд анхаарал тавьж, охины минь зургийг сайн ажиглаж, хэлж өгсөнд найздаа маш их баярлаж байна” гэжээ.