УБ-Замын-Үүд чиглэлд том оврын автобус зорчдог боллоо

Улаанбаатар-Замын-Үүд чиглэлд том оврын автобусаар иргэд маргаашнаас эхлэн зорчих боломжтой боллоо. Өмнө нь Улаанбаатар Замын-Үүдийн чиглэлд том оврын тээврийн хэрэгсэл бараг явдаггүй, энэ чиглэлд зорчихдоо иргэд ихэвчлэн галт тэрэг болон хувийн унаагаар зорчдог байсан билээ.

ЗОРЧИХ ХУВААРЬ:

Авто тээврийн үндэсний төвийн Баянзүрх зорчигч тээврийн төвөөс

• Улаанбаатар - Замын-Үүд чиглэлд 20:00 цагаас,

• Замын-Үүд-Улаанбаатар чиглэлд 18:00 цагаас автобус хөдлөх юм байна.

Зорчих тасалбарын үнэ

• Том хүн 39,000 төгрөг

• Хүүхэд 19500 төгрөг.

Зорчих тасалбарыг онлайнаар болон Баянзүрх, Сонгинохайрхан зорчигч тээврийн төвүүд Нарантуул, Төмөр замын төв буудал дахь билетийн кассаар тус тус худалдана. Тасалбараа урьдчилаад 30 хоногийн өмнө ч бичүүлэх боломжтой юм байна.