Эрэгтэй баг алтан медалийн төлөө барилдана

Жүдо бөхийн ААШТ Узбекстаны Ташкент хотноо багийн барилдаанаарүргэлжлэн явагдаж байна.

Эрэгтэй 13 баг өрсөлдснөөс Монголын баг "В" хэсэгт орж эхний тойрогтоо Ираныг 3-2, Киргизстаны багийг 4-1-ээр хожиж хагас шигшээд шалгарсан.

Хагас шигшээд ААШТ-ийг медалийн чанараар тэргүүлсэн Японы багтай барилдаж 66кг-д Д.Төмөрхүлэг, 81кг О.Ууганбаатар, -90кг Л.Отгонбаатар, +90кг Н.Түвшинбаяр тус тус өрсөлдөгчөө ялж 4-1-ээр шигшээд шалгарлаа.

Алтан медалийн төлөө тэмцээнийг зохион байгуулагч орон Узбекстаны багтай барилдана.

Шигшээ барилдаан Улаанбаатарын цагаар 21.00 цагаас С1 телевизээр шууд дамжуулан хүргэх юм байна.