Дуудлага худалдаагаар авсан хоёр воган самрыг хураан авчээ

Яг одоо “Толгойт” өртөөн дээр хууль бусаар бэлтгэсэн хоёр воган самрыг гаргах гэж байна гэсэн мэдээллийн мөрөөр холбогдлоо.

“Ирмүүн армаг” компанийн захирал Батхуяг гэж хүнтэй утсаар холбогдов. Тэрбээр “Би энэ самрыг дуудлага худалдаагаар худалдан авсан юмаа. Тэгээд хилээр урагш гаргах гэж байгаад хураагдчихсан юм. БОНХЯ-наас дуудлага худалдаа зарлаад хоёр компани авахаар болсон. Түүний нэг нь манай компани. Тэгсэн чинь өчигдөр шөнө 00 цагийн үед прокурор, цагдаагийн байгууллагаас хууль бусаар бэлтгэсэн гээд гаалийн баталгаат агуулгаас хоёр воган самрыг гаргаж ирчихээд байж байна. Уг нь БОНХАЯ-наас дуудлага худалдаа зарлаад манай зөвшөөрөлгүйгээр гаалийн баталгаат агуулгаас гаргах ёсгүй гэсэн бичиг баримт нь байхад прокурор, цагдаагийн байгууллагаас чирч гаргаж ирээд тавьчихлаа. Би одоо хоёр воган самрынхаа хажууд яах учраа олохгүй байж байна. Ямар учиртай зүйл болоод байгааг ойлгохгүй байна” гэлээ.