Булган аймгийн Бугат суманд газар хөдөлжээ

Булган аймгийн Бугат сумын төвөөс хойд зүгт 17 км-т өчигдөр буюу энэ сарын 16-ны өдрийн 12:25 цагт /У-103⁰35^/00^//, Ө-48⁰95^/00^/// 3.5 магнитудын хүчтэй газар хөдлөлт болжээ. Энэ тухай мэдээллийг ООГХ-ээс цахим шуудангаар ирүүлсэн байна.

Тус аймгийн Онцгой байдлын газраар дамжуулан тус сумын Бугат сумын Хан жаргалант багийн Засаг дарга Х.Эрдэнэбаяраас тодруулахад иргэдэд чичирхийлэл мэдрэгдээгүй, хохирол учраагүй байна.

Ю.Халиун