Камчаткын галт уул сэржээ

ОХУ-ын алс дорнодын Камчатск мужийн Петропав­ловск хотод Шивелуч хэмээх галт уул сэрж, агаарт тарсан нүүрстөрөгчийн давхар исэл, хүхрийн халуун үнс ойролцоогоор 9000 метрийн өндөрт цацагджээ. Хэзээ ч сэрж болзошгүйд тооцогддог Шивелуч галт уул нь 3283 метр өндөр. Урьд нь тус галт уул 2009 оны тавдугаар сард халуун лаваар тургиж, ойр орчмын 10 км-ийг хамарч байсан удаатай.

ОХУ-ын гамшгаас хам­гаа­­­лах албаныхан төдий­гүй цэрэг, цагдаагийн хүч­нийхэн иргэдийг нүүлгэн шилжүүлж, Шивелучийн бэлд орших Петропавловск хотыг болзошгүй аюулаас хамгаалж эхэлсэн байна.Сибирийн тойргийн байгаль орчны шинжилгээ, судалгааны хү­рээ­­лэнгийн албанаас мэдээ­лэхдээ “Шивелуч галт уул 24 цагийн турш халуун үнс агаарт цацаж, 150 удаа хүчтэй тургисан. Цаашид галт уулын лав 6.9 км-ийг бүрхэх аюултай”гэлээ.

Х.Төгөл