Ирэх ням гаригт НӨАТ-ын сугалааны оны сүүлийн тохирол явагдана

Энэ сарын 18-ны өдрийн ням гаригт НӨАТ-ын урамшууллын 18 дахь удаагийн сугалааны тохирол явагдана. Тус өдрийн 19:00 цагаас МҮОНТВ-ээр шууд дамжуулах сугалааны тохирол энэ оны хувьд сүүлийнх ажээ. Энэ удаагийн сугалаанд арваннэгдүгээр сарын 1-нээс 30-ны хугацаанд худалдан авалт хийсэн баримт хамрагдах юм. Уншигч танд баримтуудаа сугалааны тохирол явагдахаас нэг өдрийн өмнө буюу арванхоёрдугаар сарын 17-ны өдрийн 23 цаг 59 минутаас өмнө амжиж Цахим төлбөрийн баримтын системд бүртгүүлэхийг албаныхан сануулж байна.