Монголын баг өнөөдөр Ирантай өрсөлдөнө

Ираны Керманшах хотод чөлөөт бөхийн эрэгтэй багуудын Дэлхийн цомын аварга шалгаруулах тэмцээн хоёр дахь өдрөө үргэлжилж байна. Тус тэмцээнд оролцож буй манай шигшээ баг өчигдөр “Б” хэсгийн хоёрдугаар тойрогт Туркийн багтай өрсөлдөв. Манай багийн бүрэлдэхүүнд 57 кг-д З.Занабазар, 61 кг-д Т.Тулга, 65 кг-д Б.Батмагнай, 70 кг-д Г.Мандахнаран, 74 кг-д Б.Анхбаяр, 86 кг-д П.Өнөрбат, 97 кг-д Ө.Батзул, 125 кг-д Н.Золбоо нар дэвжээнд гарсан бөгөөд тэд хоёр дахь учраадаа 5:3-аар ялагдлаа. Энэ барилдаанд манайхаас гавьяат тамирчин Г.Мандахнаран, Ө.Батзул, Н.Золбоо нараас бусад нь ялагдсан юм. Өнгөрсөн жилийн тус тэмцээнд манай шигшээ баг Туркийг 5:3-аар ялж байсан билээ. Манай эрчүүд өнөөдөр тэмцээн зохион байгуулагч Ираны шигшээ багтай өрсөлдөх юм.

“Б” хэсэг

Монгол Турк
57 кг: Занданбуд Занабазар-Акуль Сезар (цэвэр ялсан)
61 кг: Төмөр-Очир Тулга- Ченгисхан Эрдоган (2:4)
65 кг: Батчулуун Батмагнай-Мустафа Кайа (3:9)
70 кг: Мандахнаран Ганзориг(6:0)-Якуп Гор
74 кг: Батчулуун Анхбаяр-Ислам Килич (1:12)
86 кг: Пурэвжав Өнөрбат-Селим Яшар (1:10)
97 кг: Өлзийсайхан Батзул (7:4)-Фарук Аккоюн

125 кг: Нацагсүрэн Золбоо (6:2)-Риза Йилдырым

Тэмцээний явц

“А” хэсэг

АНУ (хоёр ялсан)

Азербайжан (2:0)

ОХУ (0:2)

Гүрж (0:2)

“Б” хэсэг

Иран (2:0)

Турк (1:1)

Монгол (1:1)

Энэтхэг (0:2)