Удаашран шалгагдсан онц хүнд гэмт хэрэгт яллах дүгнэлт үйлджээ

Дорноговь аймгийн Замын-Үүд дэх сум дундын прокурорын газраас удаашран шалгагдаж буй онц хүнд хэргүүдэд яллах дүгнэлт үйлдэж шүүхэд шилжүүлжээ. Тодруулж хэлбэл,Дорноговь аймгийн Замын-Үүд сумын Сум дундын цагдаагийн хэлтсийн Хэрэг бүртгэх, мөрдөн байцаах хэсгээс насанд хүрээгүй Т, Г нар нь бүлэглэн танхайн сэдэлтээр иргэн М-ийг санаатай алсан гэх хэрэгт 2015 оны нэгдүгээр сарын 20-ны өдөр Эрүүгийн хуулийн 91 дүгээр зүйлийн 91.1 дэх хэсэгт зааснаарэрүүгийн хэрэг үүсгэж байжээ.

Мөн 2016 оны есдүгээр сарын 11-ний орой 23 цагийнорчимд сэжигтэн А нь О, Т, М, О нартай архи ууж согтуурсан үедээ өөрийн хамтран амьдардаг О-тоймаргалдан улмаар түүнийг онц харгис хэрцгий аргаар, биеэ хамгаалж чадахгүй байгааг мэдсээр байж санаатайалсан гэх хэргүүдэд тус тус мөрдөн байцаалтын ажиллагаа явуулж дуусган хэргийг прокурорт шилжүүлсэн байна.Дээрх мөрдөн байцаалтын ажиллагаа удааширсан дээрх хэргүүдийг Дорноговь аймгийн Замын-Үүд дэх сум дундын прокурорын газраас хянаж үзээд энэ сарын 12-нд Т,Г нарт Эрүүгийн хуулийн тусгай ангийн 91 дүгээр зүйлийн 91.2.2, 91.2.11 дэх хэсэгт зааснаар яллах дүгнэлт үйлдсэн болА-д холбогдох хэргийг өчигдөр яллах дүгнэлт үйлдэж тус тус Дорноговь аймгийн Замын-Үүд сум дахь Сум дундын шүүхэд шилжүүлжээ.