Гэмтлийн эмнэлгийн уулзвар хүртэлх авто замыг хаана

Нийслэлийн Замын сангийн хөрөнгөөр хэрэгжүүлж буй “Баянгол дүүрэг, Хорооллын эцсээс Гэмтлийн эмнэлгийн уулзвар хүртэлх 1км авто замын шинэчлэлт” -ийн ажил үргэлжилж буй. Тус замын шинэчлэлийг “Наранбулаг Хан ХХК энэ оны зургаадугаар сарын 5-наас есдүгээр сарын 10-ны хооронд хийж гүйцэтгэхээр гэрээ байгуулан ажиллаж байгаа юм.

Төлөвлөгөөт ажлын хуваариар тус автозамын хойд талын эгнээ буюу зүүнээс баруун тийш зорчих тээврийн хэрэгслийн хөдөлгөөнийг зургаадугаар сарын 16-ны 23.00 цагаас эхлэн зургаадугаар сарын 21-ний өглөөний 07.00 цаг хүртэл түр хязгаарлах юм байна.

Ингэснээр авто замын зорчих хэсгийн хучилтын ажлыг гүйцэтгэх аж. Энэ хугацаанд тээврийн хэрэгсэл автозамын урд талын эгнээгээр сөрөг хөдөлгөөнтэй зорчих юм.