Ерөнхийлөгч түймрийн бүсэд ажиллахаар Батсүмбэрийг зорилоо

Монгол Улсын Ерөнхийлөгч Х.Баттулга өнөөдөр нөхцөл байдалтай биечлэн танилцахаар 20 шахам хүний бүрэлдэхүүнтэйгээр Батсүмбэр сумыг зорьлоо.

Өнөөдрийн байдлаар улсын хэмжээнд 22 түймэр асч байна. Сэлэнгэ аймаг Ерөө суманд 3 түймэр, Мандал суманд 4 түймэр, Хүдэр суманд 2 түймэр асч байна. Мөн Төв аймгийн Батсүмбэрийн нутаг дэвсгэрт 5 түймэр, Булган аймгийн Гурванбулаг, Сэлэнгэ сумдад 2 түймэр асч байгаа гэнэ. Одоогийн байдлаар 700 гаруй гал сөнөөгч, 50 гаруй автомашин, орон нутгийн 350 иргэн түймэр унтраалцаж байгаа аж.