Түймрийн эрчим буурч байна

Өнөөдөр Төв аймгийн Батсүмбэр сумын нутаг Сөгнөгөрийн Баянгол амралтын дээд талд гурван пуужин харваж нэг цаг бороо оруулжээ. Мөн Зүүнхараагийн өмнөдөд пуужин харваж, түймрийн голомтод хоёр цаг орчим бороо оруулснаар түймрийн эрчим буурсан байна. Энэ талаар Батсүмбэр суманд ажиллаж буй Байгаль орчин, аялал жуулчлалын сайд Ж.Оюунхорол цахим хуудастаа мэдээлжээ.

Дашрамд дурдахад, Төв аймгийн Эрдэнэ сумын нутаг Асралт хайрхан, Арцат уул, Ар матах зэрэг газарт түймрийн таван цэг илэрсэн ч онцгой байдлын албан хаагчид, машин техник очих боломжгүй байгаа аж.