Гүүр нурж цементэн хавтанд даруулан амиа алджээ

Орхон аймгийн Баян-Өндөр сумын Цагаанчулуут багт үерийн ус зайлуулах далан дээрх явган хүний гүүр нурж, нэг хүн цементэн хавтанд даруулан амиа алдсан хэрэг гарчээ. Осол болсон тухай дуудлага тус аймгийн Онцгой байдлын газарт 18.15 цагт ирж, Онцгой байдлын газрын эрэн хайх, аврах ангийн таван алба хаагч ажиллаж, цогцсыг гарган цагдаагийн байгууллагад шилжүүлэн өгчээ.