“Эрдэнэс Монгол” группийн ТУЗ-ын даргаар Б.Бат-Эрдэнэ томилогджээ

Өнгөрсөн нэгдүгээр сарын 31-ны Засгийн газрын хуралдаанаар Засгийн газрын хэрэг эрхлэх газрын дэд даргаар Б.Бат-Эрдэнийг томилсон.

Засгийн газрын хэрэг эрхлэх газрын дэд даргаар томилогдсон Б.Бат-Эрдэнэ нь

- Ерөнхий сайд асан Сү.Батболдын туслах,
- МАН-ын дэргэдэх НАМЗХ-ны Ерөнхий нарийн бичгийн дарга,
- Монгол улсын Шадар сайд У.Хүрэлсүхийн зөвлөх
- Мэргэжлийн Хяналтын Ерөнхий газрын дэд дарга
- УИХ-ын гишүүн Д.Дамба-Очирын зөвлөхөөр ажиллаж байсан туршлагатай.

МАН-ын чадварлаг боловсон хүчнүүдийн нэгд зүй ёсоор тооцогддог хэмээн намын нөхөд нь үнэлдэг.

ЗГХЭГ-ын дэд даргаар ажиллаж буй Б.Бат-Эрдэнэ чиг үүргийнхээ дагуу “Эрдэнэс Монгол” группийн ТУЗ-ын даргаар томилогджээ.

“Эрдэнэс Монгол” группд “Эрдэнэс таван толгой” ХХК, “Эрдэнэс Оюу толгой” ХХК, “Багануур” ХК, “Шивээ овоо”, “Гашуун сухайт” ХХК, “Эрдэнэс шивээ энержи”, “Монатом” зэрэг томоохон уул уурхайн компаниуд харъяалагддаг.