Хельсинкийн зочид буудлыг хүч нэмэгдүүлсэн хамгаалалтад авчээ

ОХУ, АНУ-ын ерөнхийлөгч Владимир Путин, Дональд Трамп нарын хэлэлцээнд ирсэн Оросын албан ёсны төлөөлөгчдийн байрлаж байгаа “Crowne Plaza” зочид буудлыг хүч нэмэгдүүлсэн хамгаалалтад авчээ. “Ilta-Sanomat” сонинд ингэж бичсэн байна.

Цагдаа нар зочид буудалд орох хашааны хаалгыг хаажээ. Буудлын хашаанд Оросын дугаар бүхий хэд хэдэн Audi, Mercedes-Benz машин тавьсан байна.

Зочид буудлын ажилтнууд олон нийтийн мэдээллийн хэрэгслийн төлөөлөгчидтэй уулзахаас татгалзаж байна. Буудалд “томчуул”  буусан гэж хэв журам сахиулах байгууллагын төлөөлөгч хэлжээ.

ОХУ, АНУ-ын ерөнхийлөгч нар өнөөдөр Хельсинкид уулзах юм. Путин, Трамп нар олон улсын тулгамдсан асуудлууд болон хоёр талын харилцааг хөгжүүлэх хэтийн төлвийг хэлэлцэнэ гэж Кремлийн төлөөлөгчид мэдээлжээ.

 

                                                                                                          С.Инда