Сансрын нисэгч 5 см-ээр өндөр болжээ

НАСА-гийн сансрын нисэгч 39 настай Энн Макклейн 2018 оны арванхоёрдугаар сарын 3-наас сансарт байгаа бөгөөд энэ хугацаанд тэр мэдэгдэхүйц өндөр болжээ.

“Би сансарт нисэхээс өмнөхтэй харьцуулвал, хоёр дюймаар (5 сантиметр гаруйгаар – ред.,)  өндөр болсон байх юм” гэж  тэр өмсгөлөө дахин өмсөж үзсэний дараа Твиттер дэх өөрийн хуудсанд мягмар гарагт бичсэн байна. 

Сансарт таталцлын хүч байдгүйгээс болоод хүний өндөр ерөнхийдөө ойролцоогоор 1-2 сантиметрээр нэмэгддэг гэж Японы сансрын судалгааны агентлаг – JAXA түрүүнд нь мэдээлж байсан юм. 

Одоо оросын сансрын нисэгч Олег Кононенко, америкийн  Макклей, Давид Сан-Жак (Канадын сансрын агентлаг) нар Тойрог замын станцад ажиллаж байгаа юм.

С.Инда