Өвөрхангай аймагт өчигдөр шөнө орсон аадар борооны улмаас үерийн усанд автомашинтайгаа боогдсон иргэдийг тус аймгийн Онцгой байдлын алба хаагчид эсэн мэнд аварчээ. 

Тодруулбал, Өвөрхангай аймгийн Хархорин сумын Вангийн-Овоо багт наймдугаар сарын 4-ний өдрийн 22:20 цагт орсон усархаг борооны улмаас Вангийн-Овоо уулнаас үер бууж,  3 зорчигчтой явж байсан “Ипсум” загварын суудлын автомашин үерийн усанд суусан тухай дуудлагыг өчигдөр 23:57 цагт хүлээн авчээ. 

Тус аймгийн Онцгой байдлын газрын Хархорин сум дахь Онцгой байдлын хэлтсийн Гал түймэр унтраах, аврах 45 дугаар ангийн 3 албан хаагч, 1 автомашинтай 2 км замыг туулан 00:08 цагт очиж, 23 минут ажиллаж, автомашинд байсан 35 настай эмэгтэй Д, 10 настай  эмэгтэй Н, 4 настай эмэгтэй Г нарыг эсэн мэнд аюулгүй газарт гаргаж эсэн мэнд аварчээ. Мөн автомашиныг татан гаргаж иргэн Д-д хүлээлгэн өгчээ. 

Эх сурвалж: ОБЕГ

СЭТГЭГДЭЛ БИЧИХ