Galaxy S11-ийн урьдчилсан таамаг гарлаа

Pixel 4, OnePlus 7 Pro, Galaxy S10 зэрэг ухаалаг утаснуудын загвар, үзүүлэлтийг худалдаанд гарахаас нь өмнө нь оновчтой таамаглаж байсан OnLeaks энэ удаад S11-ийн таамгаа нийтэлжээ.

Тус таамгийн дагуу ирэх онд худалдаанд гарах S11 энэ онд гарсан S10-ийн адилаар S11, S11+, S11e гэсэн гурван хувилбартай байх аж. Харагдацын хувьд Note 10-тай ойролцоо буюу дэлгэцийнхээ голд нүүрний камертай, дугуй хэлбэрийн хүрээтэй, чихэвчний оролтгүй. Харин хэмжээний хувьд S11 нь “S10+”-аас том буюу ойролцоогоор 6.63-аас 6.7 инчийн хооронд байх гэнэ. Түүнчлэн S11-ийн бүх загварууд 4G болон 5G сүлжээг дэмждэг байхаар бүтээгдэнэ хэмээжээ.

Дээрх зургаас харвал S11 загвар iPhone 11, Pixel 4 зэргийн адилаар ардаа олон тооны камертай, тэдгээр нь тэгш өнцөгт хэлбэрээр эгнэсэн байдалтай байх нь.