Грета Тунберг- "Тайм"сэтгүүлийн "Оны хүн"

Долоо хоног тутмын "Тайм"сэтгүүл өнөө жилийн "Оны хүн"-ээрээ байгаль орчны идэвхтэн тэмцэгч Грета Тунбергийг шалгарууллаа.Тус сэтгүүл уламжлал ёсоор 12-р сарын сүүлийн дугаартаа "Оны хүн"-ээ зарлаж,нүүрэндээ зургийг нь хэвлэдэг.16 настай швед охинтой АНУ-ын ерөнхийлөгч Дональд Трамп,БНХАУ-ын төрийн тэргүүн Ши Жинпин,фэйсбүүк үндэслэгч Марк Цукерберг нарын есөн нэр дэвшигчтэй өрсөлдсөн билээ.Тэрээр "Оны хүн"-ээр нэрлэгдсэн зургаа дахь эмэгтэй бөгөөд өмнө нь Уоллис Симпсон 1936,Сун Мэйлин 1937,хоёрдугаар хатан хаан Элизавета 1952,Корасон Акино 1986,Ангела Меркель 2015 онд шалгарч байв.

92 жилийн түүхтэй "Оны хүн"-ий хамгийн залуу нь болсон энэ охин мөн анхны швед хүн болсон юм.Шведийн нийслэл Стокгольмд 2003 оны нэгдүгээр сарын 3-нд төрсөн түүний ээж Малена Эрнман дуурийн дуучин,аав Сванте Тунберг жүжигчин аж.Өвөө Улоф Тунберг нь бас жүжигчин.Харин ганц Беата нь дуулах дуртай.