Өнөөдөр 12:00 цагаас УОК-ын Шуурхай штабаас мэдээлэл хийнэ

УОК-ын Шуурхай штабаас өнөөдөр 12:00 цагт мэдээлэл хийхээр болжээ.  Энэ сард манай улс нийтдээ удаагийн тусгай үүргийн нислэг үйлдэж, 2000 орчим иргэнээ гадаадаас авчрахаар төлөвлөсөн.  Хамгийн түрүүнд энэ сарын 10-ны өдөр Казахстан руу нисэж, 150-170 хүн авч ирэхээр тооцсон. Харин 11-ний өдөр Токио нисэж, 250-270 хүн авч ирэх төлөвлөгөөтэй байгаа талаар Гадаад харилцааны яамны Консулын газрын дарга Л.Мөнхтүшиг  мэдээлж байсан юм. 

Тэгвэл өнөөдөр УОК-ын Шуурхай штабаас тусгай үүргийн нислэгтэй холбоотой мэдээлэл өгөх бололтой. Зарим хэвлэлийн мэдээлж байгаагаар БНСУ-ын талаас Монгол Улсад агаарын тээврийн транзит нислэгийн хориг тавьсан бололтой. Тэд Монгол Улс транзит нислэгээр БНСУ-ын олон улсын нисэх онгоцны буудлаар дамжуулан коронавирусийн халдварын өндөр эрсдэлтэй иргэдийг тээврлэж байна гэж үзэж байгаа гэнэ. Уг нь энэ сарын 17-ны өдөр Сөүл рүү тусгай үүргийн онгоц нисгэхээр төлөвлөсөн байсан. Хэрвээ Солонгосын талаас хориг тавьсан нь үнэн бол энэ нислэг цуцлагдаж магадгүй. Шуурхай штабын хурлын үеэр энэ асуудлыг ярих бололтой.