Бразилийн хамгийн өндөр эмэгтэй

Бразилийн нэгэн охиныг сургуульд байхад нь үе тэнгийн хүүхдүүд “анааш” хэмээн шоолдог байсан учир, тэрээр сургуулиа хаясан байна. Харин одоо тэрээр улсдаа нэлээд алдартай болсон бөгөөд бусад орны жижиг биетэй эрчүүдийг дарж массаж хийдгээрээ орлогын эх үүсвэрээ ч олчихсон аж.

Бүсгүйн өндөр нь 2,03 метр бөгөөд тэрээр хүмүүсийг өөрийн жингээр дарж, орлогын эх үүсвэрээ олдог болжээ. Эрчүүд ч түүнд даруулахаар ихээр ирдэг байна. Бүсгүйн жин 90 гаруй кг гэнэ.

"Зарим эрчүүд ямарваа нэгэн өвөрмөц зүйлийг мэдрэхийг хүсдэг ч зарим бүсгүйчүүд хийхээсээ айдаг юм. Харин би зоригтой учир ийнхүү тэдний хүсэлтийг биелүүлдэг. Намайг дээрээ суулгахыг хүссэн, надтай тэмцэлдэхийг хүссэн эрчүүд их байдаг бөгөөд тэд надад төлбөр төлөхөд бэлэн байдаг" -хэмээн 30 настай Синтия ярьжээ.

Шинэ ажил миний амьдралыг өөрчилсөн бөгөөд одоо би гэр бүлээ тэжээх чадвартай болсон гэжээ.



Синтия өөрийн гадаад төрхөнд үргэлж сэтгэл хангалуун бус байдаг байжээ. 15 насандаа тэрээр сургуулиа хаясан байна.

“Би үргэлж гадаад төрхөндөө санаа зовдог байсан. Харин дараа нь би сагсан бөмбөгөөр хичээллэж эхэлсэн бөгөөд энэ нь миний амьдралыг утга учиртай болгосон. Гэвч хөлөндөө бэртэл авснаар спортоор хичээллэх боломжгүй болсон” -гэжээ.

Тэрээр клубт нэгэн залуутай танилцсанаар түүний амьдрал өөрчлөгдсөн байна.



Бразилийн хамгийн өндөр моделуудын нэг болсноор тэрээр маш олон захиалгыг хүлээн авах болсон бөгөөд эрчүүд нэг цагийн үйлчилгээ аваад 300 доллар ч төлөхөд бэлэн байдаг гэнэ.

Хэдийгээр түүний үзүүлж буй үйлчилгээ нь халуухан мэт харагдаж байгаа ч, тэрээр хэзээ ч үйлчлүүлэгч нартайгаа бэлгийн харилцаанд орж байгаагүй аж. Зарим тохиолдолд тэрээр өдөрт 10,000 долларын орлого олох нь ч бий гэнэ.

“Энэ ажил нь надад дэлхий даяар аялах боломжийг олгосон бөгөөд ихэнхидээ би Япон руу явдаг. Нью-Йорк болон Лондонд надад байнгын үйлчлүүлэгчид бий” -хэмээн бүсгүй Mail Online-д өгсөн ярилцлагандаа ярьжээ.

Эх сурвалж: caak.mn