Хавдрыг ялан дийлсэн залуу

АНУ-ын Мичиган мужид нэгэн гайхалтай явдал тохиолджээ. 15 настай Зак Зейлер (Zach Zeiler) хэмээх хүү хавдартай болсон бөгөөд түүнийхээ эсрэг тэмцэж, эмчилгээ хийлгэж эхэлсэн байна. Хими эмчилгээ хийлгэж байх үед хүүгийн жин 45 кг хүртлээ хасагдсан аж. Биеийн байдал нь сайжирч эхэлмэгц тэрээр бодибилдингээр хичээллэж эхэлсэн байна.

Зөв хооллолт, дасгал сургуулилтын ачаар Зак биеийн жингээ 80 кг хүртэл нэмэгдүүлж чадсан бөгөөд одоо бодибилдингээр хичээллэж байгаа гэнэ. Тэрээр бэлтгэл сургуулилтынхаа талаар бичлэг хийж, Youtube дээр байрлуулж олон олон хүмүүст итгэл найдварыг төрүүлж байгаа аж.

Эх сурвалж: caak.mn