ССАЖ-ын дэд сайд М.Түмэнжаргал Хятадын телевизэд ярилцлага өгчээ

ЮНЕСКО-ийн ивээл дор зохиогдсон “The 2^nd international Culture industry summit-2013” буюу Соёлын үйлдвэрлэл сэдэвт олон улсын дээд хэмжээний уулзалтадБНХАУ-ын Гансу мужийн Ланзау хотод2013 оны энэ сарын 6-9-ний өдрүүдэд амжилттай зохион байгуулагдаж өндөрлөсөн юм.

Энэхүү хуралд Монгол Улсыг төлөөлж ССАЖ-ын дэд сайд М.Түмэнжаргал тэргүүтэй албаны төлөөлөгчид оролцоод ирлээ.

Айлчлалын үеэр Гансу мужийн амбан захирагч Лиу Вэй Пин-тэй ажлын уулзалт хийж хоёр улсын соёлын үйлдвэрлэлийг харилцан дэмжин ажиллах, бүс нутгийн хүрээнд харилцаа, соёлын аялал жуулчлалыг хөгжүүлэх зэрэг асуудлаар харилцансанал солилцсон байна.

Энэхүү дээд хэмжээний зөвлөлдөх уулзалтанд 140 гаруй гадаадын, 200 гаруй дотоодын зочид төлөөлөгчид оролцсон бөгөөдсоёлын аялал жуулчлал, соёлын үйлдвэрлэлийг хөгжүүлэхээр төрөөс баримталж буй бодлого, хууль эрх зүйн зохицуулалтын талаар танилцуулжээ. Мөн энэ чиглэлээр хөрөнгө оруулалтыг татах, туршлага солилцох, эдгээр салбарт олон улсын бизнес эрхлэгчдийг холбох ажилдхүрч чадсан арга хэмжээ болсон гэж албаныхан дүгнэж байна.

Уг зөвлөлдөх уулзалтын хүрээнд олон улсын түвшинд соёлын үйлдвэрлэлийн өнөөгийн байдал болон соёлын үйлдвэрлэлийг хөгжүүлэх тал дээр баримтлах хэтийн бодлоготой танилцсан баСоёлын үйлдвэрлэлийн гол салбар нь соёлын аялал жуулчлал гэдгийг талууд цохон тэмдэглэсэнюм.

Мөн Соёл, спорт, аялал жуулчлалын дэд сайд М.Түмэнжаргал Гансу мужийн төв телевизэд Монгол орны соёлын аялал жуулчлалын талаар ярилцлага өгсөн бөгөөд БНХАУ-ын Соёлын Яамны удирдлагуудтай уулзан БНХАУ-ын Соёлын сайд Цай Ву-ны Монгол Улсад хийх айлчлалын бэлтгэл ажлын талаарярилцсан юм.

БНХАУ-ын Соёлын сайд Цай Ву манай улсад энэ сарын 24-25-ны өдрүүдэд Ц.Оюунгэрэл сайдын урилгаар албан айлчлал хийж байгаа бөгөөд айлчлалын хүрээндээ ерөнхий сайдад бараалхаж, гадаад харилцааны дэд сайд нартай уулзах юм.

Б.Цэлмэг