/Шатахуун, үр/

Тариалалтад 685 аж ахуйн нэгж, иргэнд 2358 тонн шатахуун, 106 аж ахуйн нэгж, иргэнд 2841 тонн буудайн үр, уринш бэлтгэлд 433 аж ахуйн нэгж, иргэнд 1638 тонн дизелийн түлшийг 30 хувийн урьдчилгаатай зээлээр олгов.

/Төмс, хүнсний ногоо/

135 тонн төмсний элит үр, 10 нэр төрлийн 12.6 тонн хүнсний ногооны үр хөнгөлөлттэй олгосон. Төмс, хүнсний ногоооны үйлдвэрлэл эрхлэгч 86 аж ахуйн нэгж иргэнд 200.0 сая таграгийн эргэлтийн хөрөнгийн дэмжлэг үзүүлэв.

/Жимс жимсгэнэ/

“Жимс жимсгэний суулгац үржүүлгийн плантаци байгуулах”-д зориулан 750.0 сая төгрөгийн зээлийн дэмжлэг, жимс жимсгэний 770.0 мянган ширхэг суулгац, гүзээлзгэний 60.0 мянган ширхэг суулгацыг худалдан авч 200 гаруй аж ахуйн нэгж, иргэдэд зээлээр олгож тариалав.

/Зоорь, агуулах/

“Гол нэрийн бараа бүтээгдэхүүний үнэ тогтворжуулах” дэд хөтөлбөрийн хүрээнд зоорь, агуулах байгуулах, өргөжүүлэх зорилгоор 23 төслийг сонгон шалгаруулж гэрээ байгуулахаар Монгол банкинд хүргүүлэв.

/ Хүлэмж /

240 ам метр талбай бүхий 50 иж бүрдэл хүлэмжийг Улаанбаатар, Төв, Баянхонгор, Архангай, Орхон, Сүхбаатар аймагт таван жилийн хугацаатай эргэн төлөгдөх нөхцөлтэйгээр зээлээр олгов. Өвлийн шилэн хүлэмжийн цогцолбор аж ахуй байгуулах төсөл боловсруулан хэрэгжилтийг зохион байгуулж байна.

/Ургамал хамгаалал /

700 гаруй аж ахуйн нэгжид 358.4 мянган литр ургамал хамгаалалын бодис, 640 тонн эрдэс бордоог 30 хувийн урьдчилгаатайгаар зээлээр олгов.

/Услалтын систем/

1048 га талбайг услах хүчин чадал бүхий 10 услалтын системийг шинээр барих, сэргээн засварлахад 5.0 тэрбум төгрөгийн хөрөнгө оруулалтын гэрээ байгуулж, барилга угсралтын ажил 50 хувийн гүйцэтгэлтэй байна.