Mongolian Green awards-2013 болно

Эдийн засгийн хурдацтай хөгжил, шинжлэх ухаан технологийн ололт амжилт, хүн амын өндөр өсөлт, байнга өсөн нэмэгдэж байгаа хэрэгцээ, хотжилт зэрэг нь эх дэлхийгээ хайрлан хамгаалах, түүний нөөц баялгыг зүй зохистой, хэмнэлттэй ашигладаг болох, улмаар ногоон соёл иргэншилд шилжихийг хүн төрөлхтөн биднээс шаардаж байна.

Ухаант өвөг дээдэс, агуу түүхт ард түмэн маань зан заншил, соёл уламжлалынхаа агуу хүчээр уудам дэлгэр газар нутаг, ариун дагшин уул ус, ургамал, амьтан гээдбайгалийн бүхий л цогц гайхамшгийг өнөө үеийнхан бидэнд уламжлуулан үлдээсэн билээ.

Өнөө үеийнхэн бид эх орныхоо байгалийн баялаг бүхнийг хайрлан хамгаалж,зүй зохистой хэрэглэн, хойч ирээдүйдээ хүлээлгэн өгөх эрхэм нандин бөгөөд асар хариуцлагатай үүрэг үүрч явна.

Монголын төр, БОНХЯ эх дэлхийгээ хайрладаг уламжлалт сэтгэлгээг дээдлэн, байгаль орчиндоо ээлтэй, хаягдалгүй цэвэр технологи бүхий, байгалийн нөөц баялгийг хэмнэлттэй, өндөр үр ашигтай ашиглах ногоон хөгжлийн бодлогыгтэргүүлэх чиглэлээ болгож байгаа билээ.

БОНХЯ улс орны амьдралд бодитоор нэвтэрсэн, байгальд ээлтэй цэвэр үйлдвэрлэл бүхий, нөөцийг бүтээлчээр хэмнэлттэй ашигласан, олны таашаал хүртсэн бараа бүтээгдэхүүн, технологи, үйлдвэрлэлийг сурталчлах, таниулах, дэмжин урамшуулах зорилгоор2 дахьжилдээ иргэн, аж ахуйн нэгж, байгууллагуудын дунд “MONGOLIAN GREEN AWARDS-2013” ёслолын арга хэмжээг зохион байгуулна. Энэхүү үйл ажиллагаа нь “International Green Awards”, ‘Asian Green Awards” нэрээр дэлхий дахинд хэдийнээ танил болж, ногоон хөгжлийн төлөө бүтээгч бүхний оролцох дуртай, нэр хүндтэй үйл хэрэг болжээ.

“MONGOLIAN GREEN AWARDS-2013” ёслолыг дараахи номинациудаар 2013 оны 12 дугаар сарын 23-ны өдөр зохион байгуулна.

Grand Prix Winner (Гран При)

Best Green Government Award (Ногоон хөгжлийг дэмжигч төрийн байгууллага)

Best Green Technology Award (Байгальд ээлтэй технологийг дэлгэрүүлэгч байгууллага)

Best Green Energy Award (Сэргээгдэх эрчим хүчийг нэвтрүүлэгч байгууллага)

Best Green 4R’s Award (Reduction, Reuse, Recycling, Recovery)(Хог хаягдлыг байгальд ээлтэйгээр боловсруулагч)

Best Green New ProductAward (Эко бүтээгдхүүнийг үйлдвэрлэгч байгууллага)

Best Green Media Award (Ногоон хөгжлийг сурталчлагч хэвлэл мэдээллийн байгууллага)

Best Green Water Stewardship Award(Ус хэмнэх, зүй зохистой хэрэглэх технологийг нэвтрүүлэгч байгууллага)

Best Green Forest Nurseries Award(Ой хамгаалах, үр ашигтай нөхөн сэргээгч байгууллага)

БАЙГАЛЬ ОРЧИН, НОГООН ХӨГЖЛИЙН ЯАМ

НОГООН ХӨГЖЛИЙН ТӨЛӨӨ ХАМТДАА

Холбогдох утас 976-51-266432