Хүчиндэгчийг химийн аргаар агталжээ

Молдав Улсын шүүх насанд хүрээгүй төрсөн охиноо хүчиндсэн 38 настай гэмт хэрэгтэнд 17 жилийн ял ногдуулж, химийн аргаар хөнгөлөх /агтлах/ шийдвэр гаргалаа.

Мөрдлөгийн явцад гэмт этгээд 2005-2011 оны хооронд бага насны төрсөн охиноо байнга хүчирхийлж байсан нь тогтоогдсон байна. Охин одоо насанд хүрсэн бөгөөд эцгийнхээ талаар хамтран амьдрагчид нь хэлснээр энэ хэрэг ил болсон аж.

Ийнхүү мунаг эр ийм ялаар шийтгэгдсэн Молдавын 2 дахь гэмт хэрэгтэн болж байгаа юм. Молдавын Засгийн газар өнгөрсөн оны гуравдугаар сард 15 нас хүрээгүй хүүхдийг хүчиндсэн хэрэгтэн, гаж донтон, маньякуудыг химийн аргаар агтлах хуулийг баталсан юм.

Молдавын Ерөнхийлөгч Николай Тимофей үүнийг хүний эрхийг зөрчиж байгаа хэрэг хэмээн үзэж хуулинд гарын үсэг зурахаас татгалзсан боловч парламент дахин санал хурааж, хоригийг хүчингүй болгож чаджээ. Гаж донтой эрчүүдийн бэлгийн үйл ажиллагааг химийн аргаар дарамтлах аргачлалыг 1950-иад оны үед боловсруулжээ. Одоо энэ аргыг АНУ, Их Британи, Герман, Франц, Бельги, Дани зэрэг оронд хэрэглэж байна.