ВВС: Хүйтэн дайн эхэллээ

Украинд сүүлийн арван жилд үзэгдээгүй улс тө­рийн эмх замбараагүй бай­дал гарч шинэ Засгийн газар гарс­наар ОXУ болон Украины хоо­ронд асуудал үүсээд байгаа. Ха­рин өнгөрсөн ням гарагт болсон олон нийтийн санал асуулга энэ байд­лыг улам хурцатгаж өгөв.

Мөн ОXУ-ын Ерөнхийлөгч В.Пу­тин Кры­мийн ард иргэд ОXУ-д нэг­дэх санал хүсэлтийн шийдвэрт га­рын үсэг зурсан байна. BBC, CNN зэрэг дэлхийн томоохон хэв­лэл мэдээллийн сайтуудын онц­лох гар­чиг нь “Хүйтэн дайны эх­лэл цуу­райтаж эхэллээ” хэмээн бич­жээ. Хэрэв Украин үнэхээр хувааг­да­хаар бол газрын зураг дээр хэрхэн харагдах вэ гэдгийг CNN сайт дээр онцолжээ. Украины Ерөн­хийлөгчийн зөвлөх Виталы Клицч­ко энэ тухай мэдэгдэхдээ “Кры­мийн ард иргэдийн 10-аас дээш хувь нь Зөвлөлтийн дик­та­тор Сталины явуулсан Татар үндэст­нүүд юм. Крым ОXУ-ын мэдэлд шилж­вэл Татарчууд үндэстний цэ­вэрлэгээнд орох нь тодорхой” хэ­мээжээ.

Өнгөрсөн даваа гарагт Украины Ерөнхийлөгч О.Турчинов теле­ви­­зээр мэдэгдэхдээ “Энэ бүх асуудлыг дипломат замаар шийд­вэр­лэх бүрэн боломжтой. Крэмлин тү­рэмгий зан авир гаргаж байгаа нь ардчилсан тогтолцооноос айж байгаа хэрэг юм. Гэхдээ энэ нь ардчилсан тогтолцоог бий бол­гоход саад тотгор болохгүй. Бид Кры­мийн тусгаар тогнолыг хэзээ ч хүлээн зөвшөөрөхгүй” хэмээн мэ­дэгдсэн юм. Мөн Ерөнхий сайд А.Яценук “Энэ эмх замбараагүй байдлыг шийдвэрлэх энхийн ганц л зам бий гэдэгт би одоог хүртэл ит­гэж байна. Бид энхийг санал бол­госон ч ОXУ дайныг санал бол­госон” хэмээн шүүмжилсэн байна. Ирэх баасан гарагт ОXУ-ын хууль сахиулагчид Крымийн тухай хэлэл­цэх бөгөөд тус хэлэлцүүлгээр Кры­мийн ард иргэд ОXУ-ын нэг хэ­сэг албан ёсоор болгох тухай хэлэл­цэх юм. Мөн гуравдугаар сарын 30 наас Крымийн цагийг Москвагийн стан­дарт цагтай тэнцүүлэх ажээ.

Эх хэлний тухайд

Украины албан ёсны хэл нь Ук­раин хэл бөгөөд нийт хүн амын 70 хувь нь хэрэглэдэг. Харин Зүүн, Зүүн өмнөд хэсгээр ялангуяа Кры­мийн нутагт аж төрдөг хүн амын ихэнх нь Украин хэлний эх бо­лох Орос хэлээр ярьдаг. Шинэ Зас­гийн газар эрх мэдлийг гартаа ав­сан даруйдаа Орос хэлийг ал­бан ёс­ны хэл биш болгож Орос хэ­лээр ха­рил­цахыг хориглосон мэт ту­шаал шийдвэрүүд гаргаж эхэл­сэн нь Крымийн ард иргэдийг ОXУ-г сон­гоход ихээхэн нөлөөлсөн байж ма­гадгүй юм.

ОXУ-ын байдал

Баталгаатай эсэх нь эргэлзээтэй ч Хятад улс ОXУ-ын арыг дааж ма­гадгүй. Учир нь ОXУ Украинд цэ­рэг оруулж, олон нийтийн санал асуул­га явуулан барууныханы дур­гүйг хүргэсэн, үүний улмаас АНУ бо­лон барууны хүчнийхэн ОXУ-г эдийн засгаар нь буулгаж авах гэж оролдлого хийсээр байгаа юм. Ха­рин В.Путины авч байгаа хариу үйл­дэл нь Хятадаас эдийн засгийн туслалцаа авахаар болж магадгүй болоод байна. Тэрбээр хамтрагч хөрш болох Хятадын Бээжинд суу­гаа Ли Жинпинтэй утсаар ха­рилцсан байна. Энэ дуудлага Хя­тад ОXУ-ын хооронд хийгддэг тун ховор үзэгдэл юм. Ли Жинпин ОXУ-д тусалж Украинд болж бай­гаа төвөгтэй байдлыг энхийн за­маар шийдвэрлэж дэлхийн энх тайв­ныг алдагдуулахгүй байгаасай хэ­мээн бодож буйгаа мэдэгдсэн бай­на. Ийнхүү Хятадтай хамтрах бол­сон нь ОXУ-ын Ерөнхийлөгч В.Пу­тин хүйтэн дайндаа аль хэдийнээ бэл­дээд эхэлчихсэн мэт харагдаж бай­гааг шинжээчид дүгнэсэн аж.