Арга чинь хоцрогдсон байна, улстөрчид өө

Улс төрийн намууд сонгууль болохоор сэрдэг байлаа. Өөрөөр хэлбэл, аль нэг ялсан нам нь сонгууль болтол олны анхааралд байж алдаа оноогоо цэгнүүлдэг бол, суудал авч чадаагүй болон олонхи болж чадаагүй хэсэг нь сонгуулиас хойш унтдаг байв. Дөрвөн жилд нэг удаа сэрдэг уламжлал тогтчихоод байсан. Харин 2012 оны сонгуулиас хойш тэд унтсангүй.
Парламентад суудалгүй улс төрийн намууд Улс төрийн намуудын тухай хууль, Сонгуулийн тухай хуульд санаа оноогоо уралдуулж, олонхи болж чадаагүй МАН-ынхан дараагийн сонгуульд ялалт авахын тулд хамаг болж байгаа, бүтээж байгаа юмыг харлуулж харагдуулах пиарын ажилдаа ханцуй шамлан орсон. Тэд олон талаар өөрсдийгөө харуулах гэж хичээж байгаа. АН-ыг сонгосон нь алдаа байжээ гэдэгт итгүүлэхийн тулд эцсийн хүчээ шавхаж яваа. Жагсаж, тэмцэж, хөхөө өвлийг ч үл ажран хөдөөгүүр тэнэж, өөрсдийгөө өрөвдүүлэх тактик хэрэгжүүлээд завгүй байна. Хаана ч очсон “Биднийг тоохгүй байна. Бид дандаа зөв юм ярьдаг, хэлдэг. Эгэл иргэдийнхээ амьдралд наалдах хуулийг хүртэл хэдэн арваар нь боловсруулсан ч хэн ч тоож хэлэлцэхгүй юм.
СЭТГЭГДЭЛ БИЧИХ