Б.Сайнбуян “Супер цом”-оос хүрэл медаль хүртжээ

Өнгөрөгч долоо хоногт ОХУ-ын Москва хотноо самбо бөхийн “Дэлхийн супер цомын тэмцээн” болжээ. Энэхүү тэмцээний 68 кг-ийн жинд барилдсан “Хүч” спорт хорооны тамирчин Б.Сайнбуян хүрэл медаль хүртсэн байна. Мөн олон улсын хэмжээний мастер С.Орхонбаатар тэмцээний шүүгчээр ажиллажээ.

Самбо бөхийг үндэслэгч А.А.Харлампиевийн нэрэмжит энэхүү тэмцээн анх “Москва-80” олимп зохиогдсон жил болж байсан ба удалгүй олон улсын “А” ангилалд багтаж, нэр хүнд, чансаагаараа албан бус ДАШТ хэмээгдэх болсон байна. Энэ удаагийн тэмцээнд Европ, Ази, Америк тивийн бөхчүүд зодогложээ.