Н.Энхбаярын ялаас чөлөөлөх хүсэлтийг буцаалаа

Гурван шатны шүүхээс 2.6 жилийн хорих ял сонссон МАХН-ын дарга Н.Энхбаяр өвчний учир ялаас чөлөөлүүлэх хүсэлтийг тавдугаар сарын 2-ны өдөр  Нийслэлийн прокурорын газарт хүргүүлсэн.  Нийслэлийн прокурорын газраас хүсэлтийг хянаж үзээд ялтныг өвчний учир ялаас чөлөөлөх Хууль зүй дотоод хэргийн сайд, Эрүүл мэндийн сайдын хамтарсан тушаалд заасан  шаардлагыг хангаагүй гэж үзээд буцаасан байна. Өөрөөр хэлбэл, нэгдсэн хорих ангийн эмнэлгийн зүгээс ирүүлсэн санал нь журмын шаардлагыг хангаагүй гэж үзжээ. Түүний хувьд  цагдан хоригдсон хугацаатайгаа нийлээд жил гаруй хугацаанд хорих ял биечлэн эдлээд байгаа юм.

Б.Чимэг