Леонардо ди Каприотой цуг сансарт нисэх тасалбар 700 мянган евро

Саяхан өндөрлөсөн Канны кино наадмын хүрээнд зохион байгуулагдсан томоохон арга хэмжээний нэг бол Холливудын жүжигчин Леонардо Ди Каприотой хамт сансарт нисэх тасалбарыг зарах дуудлага худалдаа байлаа. Каннаас холгүй орших “Hotel du Cap-Eden-Roc”-д явагдсан энэ арга хэмжээний үеэр тасалбарыг Лео өөрөө үнэ дуудсаар 700 мянган евро хүргэж заржээ. Энэ дуудлага худалдаанаас олсон бүх орлого ДОХ-ыг судлахад зориулагддаг юм байна.

Ер нь Лео удахгүй хамгийн өгөөмөр, буянтай одоор шалгарч магадгүй шүү. Өмнө нь мөн л ийм тасалбарыг зарж, орос эр авсан. Харин одоо хэн энэ тасалбарыг худалдаж авсныг одоогоор нууцалж байна. “amfAR” хэмээх энэ дуудлага худалдааг Шэрон Стоун 1993 онд үндэслэжээ. Тэрбээр энэ удаа тус худалдааг хөтлөн явуулав.Дуудлага худалдааны үеэр дээрх тасалбараас гадна Мэрилин Монрогийн уран зураг, дизайнеруудын үдшийн даашинзны цуглуулга, Карл Лагерфельдийн бээлий, Энди Уорхолын зурсан зураг зэргийг худалдаалсан байна. Оросын бизнесмэн Игорь Сусин 3,5 сая еврогоор даашинзны цуглуулгыг худалдан авчээ. Эхнэртээ бэлэглэх юм байх.

Мэдээж, дуудлага худалдааны үеэр оддын чуулган болж,Мила Йовович, Хайди Клум, Жон Траволта, Жейн Фонда, Жессика Честейн, Мишель Родригес нарын алдартнууд хүрэлцэн ирсэн юм