Сурагч охин аймгийнхаа эмнэлэгт 16 ор бэлэглэжээ

Монголын төрд суугаа эрх мэдэлтнүүдээс гарахгүй байгаа санаа долдугаар ангийн охиноос гарч сайн үйлс бүтээжээ.

Тодруулбал, Хэнтий аймгийн Хэрлэн сумын 1-р сургуулийн 7а ангийн авьяаслаг сурагч Ц.Ухаанзаяа “Ачийг тань хариулья” нэртэй уран бүтээлийн хандивын тоглолтоо тавдугаар сарын 19-ний өдөр гурван удаа хийжээ.

Тэрбээр дуулж, уран нугарч бүжиглэж, хөгжимддөг бөгөөд тоглолтоос олсон орлогоороо Хэнтий аймгийн Нэгдсэн эмнэлгийн төрөх тасагт байсан 16 пүрштэй орыг модон ор болгон шинэчлэн өгчээ.